Նախորդ շաբաթվա կարևոր նորությունների հնգյակը

ԵՐԵՎԱՆ, 30 հունիսի./Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։

• Նախորդ շաբաթ հայտնի դարձավ, որ բերման է ենթարկվել ՀՀ երրորդ նախագահ Սերժ Սարգսյանի եղբայրը` Ալեքսանդր Սարգսյանը։ Նույն օրն ավելի ուշ նա ազատ էր արձակվել։ Միաժամանակ ՀՀ ոստիկանապետ Վալերիյ Օսիպյանը մեկնաբանել էր Ալեքսանդր Սարգսյանի բերման ենթարկելը։

• Կարեն Կարապետյանը լքեց ՀՀԿ–ի առաջին փոխնախագահի պաշտոնը, բայց դեռ մնում է կուսակցությունում։

• Հայաստան է այցելել Reddit ամերիկյան հայտնի պորտալի համահիմնադիր Ալեքսիս Օհանյանը։ Նա հանդիպել է ՀՀ վարչապետ Նիկոլ Փաշինյանի հետ։ Միաժամանակ հայտնի դարձավ, որ Օհանյանը պատրաստակամություն է հայտնել մասնակցել Երևանում նախատեսված ՏՏ համաշխարհային կոնգրեսին։

• Ուժի մեջ մտավ կենսաթոշակային աղմկահարույց պարտադիր բաղադրիչը։ ՀՀ կառավարությունը հունիսի 11–ին արտահերթ նիստի ժամանակ ընդունեց «Կուտակային կենսաթոշակի մասին» օրենքում նախատեսված փոփոխությունները, ինչպես նաև հաստատեց որոշումը, որը վերաբերում է պարտադիր բաղադրիչում պետական մասնաբաժնի ավելացմանը (5%–ից մինչև 7,5%)։ Սոցիալական վճարների պարտադիր բաղադրիչն ուժի մեջ է մտնում հուլիսի 1–ից։

• Աշխարհահռչակ ռեժիսոր Դարեն Արոնոֆսկին կդառնա Երևանի «Ոսկե ծիրան» 15–րդ միջազգային կինոփառատոնի պատվավոր հյուր։–0–