Հիմա էլ ձնծաղիկ. Հայաստանում իսկական գարուն է (ՖՈՏՈ)

ԵՐԵՎԱՆ, 28 դեկտեմբերի. /Նովոստի–Արմենիա/. Արտառոց տաք դեկտեմբերը շարունակում է զարմացնել և միաժամանակ ուրախացնել հայաստանցիներին։

Հանրապետության գրեթե ողջ տարածքում գրանցվում է դրական ջերմաստիճան։ Մասնավորապես, դեկտեմբերի 30–ին Տավուշի և Սյունիքի հովիտներում կանխատեսվում է +20...+23 աստիճան, Արարատյան դաշտավայրում ու Երևանում` +13...+14։

«Դեկտեմբերի վերջին ձնծաղիկ տեսե՞լ եք, դե տեսեք, Արագածոտնի մարզ, Աշնակ գյուղ», – գրում է Հայհիդրոմետկենտրոնի օդերևութաբանական կանխատեսումների բաժնի պետ Գագիկ Սուրենյանը Facebook–յան իր էջում։

Նախօրեին Սուրենյանը հրապարակել էր լուսանկար, որտեղ երևում է, որ Մեղրիում մանուշակներ են ծաղկել։–0–