Հայտնի է նախօրեին Մոսկվայում սպանված հայերի ինքնությունը

ԵՐԵՎԱՆ, 24 հոկտեմբերի. /Նովոստի–Արմենիա/. Հայտնի է նախօրեին Մոսկվայի վարձակալած բնակարաններից մեկում սպանված հայերի ինքնությունը։

Ավելի վաղ հայտնի էր դարձել, որ հոկտեմբերի 23–ին Նոր Մոսկվայում` Ռոդնիկի միկրոթաղամասում վարձակալած բնակարանում, հայտնաբերվել են 39–ամյա և 46–ամյա տղամարդկանց դիակներ։ Մարմինների վրա հրազենային վնասվածքներ կան։

Քննիչները ստուգում են միջադեպի վայրը, հարցաքննում հարևաններին և հանցագործության հնարավոր վկաներին։ Հարուցվել է քրեական գործ ՌԴ ՔՕ 105–րդ հոդվածի 2–րդ մասի հատկանիշներով («Երկու և ավել անձանց սպանություն»)։

Ինչպես «Նովոստի–Արմենիա» գործակալությանը տեղեկացրեց ՌԴ–ում ՀՀ դեսպանատան աշխատակիցը, սպանվել են Նշանյան Է.–ն (1973 թ.–ին ծնված) և Իսրայելյան Ա.–ն (1970 թ.–ին ծնված։ )

«Այս պահին իրականացվում են անհրաժեշտ քննչական գործողություններ, սակայն այլ մանրամասներ մենք դեռ չունենք», – նշել են դեսպանատնից։

Ինչպես ավելի վաղ հայտնել էր ՀՀ ԱԳՆ մամուլի ծառայությունը, Ռուսաստանի իշխանությունների տրամադրած տեղեկատվությամբ՝ առկա է գործով կասկածյալ, ով ներկայում գտնվում է հետախուզման մեջ։–0–