Հայ պատգամավորները մերժեցին տարիքային խտրականությունը

ԵՐԵՎԱՆ, 4 հունիսի. /Նովոստի-Արմենիա/. ՀՀ ազգային ժողովը երեքշաբթի առաջին ընթերցմամբ հավանություն է տվել Աշխատանքային օրենսգրքում փոփոխություններ կատարելուն, ինչն արգելում է աշխատանքի ընդունվելիս տարբեր խտրականությունները, այդ թվում` տարիքային:

Օրինագծի օգտին քվեարկել է 93 պատգամավոր, 6 պատգամավոր դեմ են քվեարկել, 9 ձեռնպահ են մնացել:

«30 տարեկանից քաղաքացիների մոտ սկսվում են աշխատանքի տեղավորման խնդիրներ` կապված տարիքային գործոնի հետ», - հայտարարեց օրինագծի հեղինակ, «Բարգավաճ Հայաստան» խմբակցության պատգամավոր Տիգրան Ուրիխանյանը:

Միաժամանակ նա նշեց, որ կարգավորող մեխանիզմները բավարար չեն և առաջարկեց պետական գերատեսչություններին սահմանել և իրականացնել խիստ վերահսկողություն, իսկ անհրաժեշտության դեպքում անգամ ձևակերպել նոր մարմին: 

«Խնդրում են ինձ ճիշտ հասկանաք, սակայն «Փնտրվում են 20-25 տարեկան բարետես աղջիկներ» հայտարարությունները նյարդայնացնում են հասարակությանը, և այդ օրինագիծը, առաջին հերթին, հետապնդում է բարոյական նպատակներ, իսկ հետո արդեն հանդես է գալիս որպես հետագա կիրառման մեխանիզմ», - ասաց Ուրիխանյանը:-0-