Հայաստանը Forbes-ի կողմից ճանաչվել է 2023 թ.–ի լավագույն տուրիստական ուղղություններից մեկը

ԵՐԵՎԱՆ, 11 հունվարի./Նովոստի–Արմենիա/. Հայաստանն ընդգրկվել է Forbes-ի` 2023 թվականին ճանապարհորդությունների համար լավագույն ուղղությունների» վարկանիշում։

«Հայաստանը գեղեցիկ երկիր է` հարուստ պատմությամբ և մշակույթով։ Այն ապշեցուցիչ բնապատկերների երկիր է, որոնց թվում են Կովկասի լեռները և Սևանա լիճը, ինչպես նաև բազմաթիվ հնագույն ճարտարապետական հրաշքներ, ինչպիսիք են Գառնու տաճարը և Հաղպատի վանքը, որոնցից շատերը ճանաչված են ՅՈւՆԵՍԿՕ–ի կողմից։ Եվ եթե դուք սիրում եք բնությունը, կարող եք վայելել քայլարշավը գրեթե այնքան, որքան ձեր սիրտը ցանկանում է Անդրկովկասյան արահետի 861 կիլոմետրով (535 մղոն), որն անցնում է Հայաստանով», – նշվում է հոդվածում։

Նշվում է նաև, որ երկիրը հայտնի է նաև իր համեղ խոհանոցով, որտեղ օգտագործվում են բազմազան թարմ խոտաբույսեր և համեմունքներ:

«Եթե դուք սիրում եք ուտելիք, բաց մի թողեք հայկական ֆիրմային ճաշատեսակները՝ խաշ, տոլմա, մանթի և, իհարկե, տնական թթու յուրաքանչյուր ճաշի հետ»,- ասվում է հոդվածում։ -0-