Երթևեկի կազմակերպման փոփոխություն Երևանի կենտրոնի հրապարակներից մեկում (ՍԽԵՄԱ)

ԵՐԵՎԱՆ, 7 մարտի. /Նովոստի-Արմենիա/. Երևան քաղաքի խաչմերուկներից մեկում կկատարվի երթևեկության կազմակերպման փոփոխություն, հայտնում է ՀՀ ոստիկանության մամուլի ծառայությունը: 

«Երթևեկության կազմակերպման բարելավման նպատակով Երևան քաղաքի Վ.Սարգսյան-Խորենացու-Իտալիայի-Բեյրութի փողոցների խաչմերուկում (Ստ.Շահումյանի անվ. հրապարակ) 2019 թվականի մարտի 10-ից կկատարվի երթևեկության կազմակերպման փոփոխություն»: 

Փոփոխության արդյունքում նշված հրապարակում գծանշման միջոցով կկազմակերպվի լրացուցիչ առանձնացված երթևեկելի գոտի, որը հնարավորություն կտա Վ.Սարգսյան փողոցով Հանրապետության հրապարակից Խորենացու փողոցի ուղղությամբ երթևեկող տրանսպորտային միջոցներին կատարելու հետադարձ մինչև նշված խաչմերուկ հասնելը:-0-