Երկու մարդ հոսպիտալացվել է Աբովյանի գործարաններից մեկում գրանցված պայթյունի հետևանքով

ԵՐԵՎԱՆ, 25 սեպտեմբերի. /Նովոստի–Արմենիա/. Երկու մարդ հոսպիտալացվել է այսօր Աբովյանի գործարաններից մեկում գրանցված պայթյունի հետևանքով։

Նրանց վիճակը միջին ծանրության է։

Դեպքի վայր են մեկնել մեկ մարտական հաշվարկ, Հատուկ նշանակության փրկարարական աշխատանքներ իրականացնող կենտրոնի փրկարարական ջոկատը և մարզային փրկարարական վարչության օպերատիվ խումբը:

«Պարզվել է, որ գործարանի կաթսայատանը (մոտ 80 քմ) տեղի է ունեցել պայթյուն, փլուզվել է կաթսայատան արտաքին պատը (մոտ 24 քմ): Անցորդ՝ 1956 թ. ծնված Գ. Բ.-ը և գործարանի աշխատակից՝ 1985 թ. ծնված Ա. Ղ.-ը, ստանալով տարբել աստիճանի մարմնական վնասվածքներ, մինչ փրկարարների՝ կանչի վայր հասնելը, հոսպիտալացվել են Աբովյանի ԲԿ, այնուհետև Ա. Ղ.-ը տեղափոխվել է «Աստղիկ» ԲԿ: Բժիշկները տուժածների առողջական վիճակը գնահատել են միջին ծանրության», – նշվում է հաղորդագրության մեջ։

Փրկարարներն իրականացրել են պատի թուլացած հատվածի ապամոնտաժում (մոտ 15 քմ):–0–