Երեքշաբթի` սեպտեմբերի 12–ի առավել ուշագրավ նորությունները

ԵՐԵՎԱՆ, 13 սեպտեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` սեպտեմբերի 12–ի առավել ուշագրավ նորությունների սեփական տարբերակը։

• Առանց մուտքի արտոնագրի ռեժիմ է սահմանվել Հայաստանի և Մոլդովայի միջև։

• Էջմիածնում սպանություն է տեղի ունեցել։ Մասնավորապես, ժամը 00:10-ի սահմաններում հրազենից կրակահերթ է արձակվել «Տոյոտա Լանդ Կրաուզեր» մակնիշի ավտոմեքենայի ուղղությամբ, որի հետևանքով ավտոմեքենայի վարորդը` 36–ամյա Լևոն Ավետիսյանը և 44–ամյա ուղևոր Կարեն Դավթյանը ստացած հրազենային վնասվածքներից մահացել են:

• Հայաստանի թվային հեռուստատեսային հեռարձակման ցանցում նախատեսված են պլանային պրոֆիլակտիկ աշխատանքներ։

• Երևանում 25 տարեկան տղան ցած է նետվել շենքի 13–րդ հարկից` թողնելով երկտող։

• Հայաստանի անդամակցությունը ՀԱՊԿ–ում և ԵՏՄ–ում ոչ միայն վերանայման կարիք չունի, այլև այստեղ նաև ակնհայտ են ընդլայնման միտումներ, երեքշաբթի ԱԺ նիստի ժամանակ ասաց ՀՀ ԱԺ փոխխոսնակ Էդուարդ Շարմազանովը։–0–