ԵՐԵՎԱՆ, 2 դեկտեմբերի. /Նովոստի–Արմենիա/. Հանրահավաքի մասնակիցները, որոնք ցանկանում են տապալել սահմանադրական բարեփոխումների հանրաքվեն, վերադարձել են Ազատության հրապարակ։
Ինչպես հաղորդում է «Նովոստի–Արմենիա» գործակալության թղթակիցը, ցուցարարները վերադարձել են հրապարակ դեպի ԿԸՀ–ի շենք կազմակերպված երթից հետո, որտեղ բերվել էին իրավապահ ուժերի մարմիններ։
Ակցիան խաղաղ է, ոստիկանության հետ որևէ միջադեպ չի գրանցվել։
Նախօրեին երեկոյան «Նոր Հայաստան» ճակատը հանրահավաքների շարք սկսեց` դեկտեմբերի 6–ին նախատեսված սահմանադրական բարեփոխումները տապալելու, իսկ հետագայում իշխանափոխության հասնելու նպատակով։ Ակցիայի ընթացքում գրանցվել են քաշքշուկներ ոստիկանների և ցուցարարների միջև, իսկ կեսգիշերին մոտ ընդդիմադիրներն Ազատության հրապարակում պաստառներից կառուցեցին ինքնատիպ վրաններ և հայտարարեցին անժամկետ նստացույց անցկացնելու մասին։
Սահմանադրական բարեփոխումների հանրաքվեն կանցկացվի դեկտեմբերի 6–ին։ Բարեփոխումներով նախատեսվում է անցում կատարել խորհրդարանական իշխանավարման։–0–
