Ցուցարարները սկսել են նվիրատվություններ հավաքել սննդի հարցը լուծելու համար

ԵՐԵՎԱՆ, 13 ապրիլի./Նովոստի–Արմենիա/. Երևանի Ֆրանսիայի հրապարակում տեղադրվել է արկղ հանրահավաքի մասնակիցների սննդի ապահովման նպատակով նվիրատվություններ հավաքելու համար, ուրբաթ հայտարարեց «Ելք» խմբակցության ղեկավար Նիկոլ Փաշինյանը։

Ցուցարարներն ուրբաթ փակել են Երևանի Ֆրանսիայի հրապարակի երթևեկը։

«Արկղը կգտնվի խիստ հսկողության տակ։ Ալկոհոլի օգտագործումը խստիվ արգելվում է», – հայտարարեց Փաշինյանը` կոչ անելով ցուցարարներին լինել հնարավորինս կարգապահ։

Ցուցարարները փակել են Ֆրանսիայի հրապարակի բոլոր հինգ մուտքերը և պատասխանատուներ են նշանակել յուրաքանչյուր հատվածի համար։ Այս պահին կաթվածահար է եղել Թումանյան–Հյուսիսային պողոտայի, Թումանյան–Մաշտոցի պողոտայի, Մոսկովյան–Բաղրամյան պողոտայի երթևեկը։

Բողոքի ակցիայի մասնակիցները վրաններ են տեղադրել շուրջօրյա ակցիա սկսելու համար։

Մարտի 31-ից «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության նախագահ Նիկոլ Փաշինյանը սկսել էր բողոքի ակցիա Սերժ Սարգսյանին վարչապետի պաշտոնում հնարավոր նշանակման դեմ: Փաշինյանը սկսել էր երթը Գյումրուց ու մինչև ապրիլի 13-ն անցավ Սպիտակ, Դիլիջան, Սևան ու Հրազդան քաղաքներով` կոչ անելով քաղաքացիներին ակտիվ մասնակցել քաղաքական գործընթացներին:–0–