Բոլոր քաղբանտարկյալները պետք է ազատ արձակվեն. Փաշինյան

ԵՐԵՎԱՆ, 27 ապրիլի./Նովոստի–Արմենիա/. Ընդդիմության առաջնորդ Նիկոլ Փաշինյանը հայտարարել է, որ բոլոր քաղբանտարկյալները պետք է ազատ արձակվեն։

«Հիմնադիր խորհրդարան» արմատական ընդդիմադիր շարժման առաջնորդ Ժիրայր Սեֆիլյանի համախոհները` «Սասնա ծռեր» զինված խումբը, 2016 թ.–ի հուլիսի 17–ին ներխուժել էր Երևանի ՊՊԾ գնդի շենք` պահանջելով իշխանությունների հրաժարականն ու Սեֆիլյանի ազատ արձակումը, ով կալանքի տակ էր զենքի ապօրինի պահման մեղադրանքով։ Սեֆիլյանը դատապարտվել էր 10 տարվա և 5 ամսվա ազատազրկման։ «Սասնա ծռերի» մյուս անդամները դատապարտվել էին տարբեր ժամկետներով։

«Բոլոր քաղբանտարկյալները միանշանակ պետք է ազատ արձակվեն։ Հարցն այն է. ո՞վ է քաղբանտարկյալ։ Այդ հարցի լուծումը հարկավոր է ուղղել փորձագիտական հասարակական կազմակերպություններին սուբյեկտիվ մոտեցումից խուսափելու համար», – հայտարարեց Փաշինյանը։–0–