Առանձնահատուկ մոտեցում. Արմեն Սարգսյանը մոտ 500 մարդ է հրավիրել իր երդմնակալությանը
06.04.2018,
14:00
Հայաստանի 4-րդ նախագահ Արմեն Սարգսյանի թիմն ինտենսիվ պատրաստվում է ապրիլի 9-ի երդմնակալությանը:
ԵՐԵՎԱՆ, 6 ապրիլի. /Նովոստի Արմենիա/. Հայաստանի 4-րդ նախագահ Արմեն Սարգսյանի թիմն ինտենսիվ պատրաստվում է ապրիլի 9-ի երդմնակալությանը: Արմեն Սարգսյանը մոտ 500 անձնական հյուր է ունենալու, հիմնականում` սփյուռքահայ երիտասարդներ, գրում է «Հրապարակ» օրաթերթը:
«Նախագահը ոչ մի երկրի նախագահի, արտաքին գործերի նախարարի չի հրավիրել, ինքը ցանկացել է, որ երդմնակալությանը ներկա լինեն արտերկրում ապրող հայեր, երիտասարդներ, քանի որ միշտ ասում է, որ ես արտասահմանցիների նախագահը չեմ, այլ` հայերի»,- հայտնել է թերթի աղբյուրը:
Ի դեպ, Մարզահամերգային համալիրում 1200 մարդ է տեղավորվում, և եթե Արմեն Սարգսյանը 500 անձնական հյուր ունի, ապա պետական մի շարք պրոտոկոլներ դուրս կմնան ցանկից:-0-
Պատճենել հղումը
