Անցած գիշեր հատուկ պահպանվող տարածք է տեղափոխվել առանց հաշվառման համարանիշերի 18 ավտոմեքենա
26.04.2018,
10:45
Անցած գիշեր հատուկ պահպանվող տարածք է տեղափոխվել առանց հաշվառման համարանիշերի երթևեկող 18 ավտոմեքենա:
ԵՐԵՎԱՆ, 26 ապրիլի./Նովոստի–Արմենիա/. Անցած գիշեր հատուկ պահպանվող տարածք է տեղափոխվել առանց հաշվառման համարանիշերի երթևեկող 18 ավտոմեքենա, որոնց վարորդների նկատմամբ կազմվել է վարչական իրավախախտման վերաբերյալ արձանագրություն, Facebook–յան իր էջում հայտնում է ՀՀ ոստիկանության հասարակայնության հետ կապերի վարչության պետ Աշոտ Ահարոնյանը։
«Անցած գիշեր կատարած ծառայության ընթացքում Ճանապարհային ոստիկանությունը մայրաքաղաքում հայտնաբերել և հատուկ պահպանվող տարածք է տեղափոխել առանց հաշվառման համարանիշերի երթևեկող 18 ավտոմեքենա, որոնց վարորդների նկատմամբ կազմվել է վարչական իրավախախտման վերաբերյալ արձանագրություն։ Միջոցառումները շարունակվում են։ Վարորդներին կոչ ենք անում պահպանել երթևեկության կանոնները», – տեղեկացնում է Ահարոնյանը։–0–
Պատճենել հղումը
