«Air Armenia» ավիաընկերությունը լուծարվում է. թերթ

ԵՐԵՎԱՆ, 14 հուլիսի. /Նովոստի-Արմենիա/. «Air Armenia» ավիաընկերությունը լուծարվում է, հաղորդում է «Ժողովուրդ» թերթը:

Թերթի տվյալներով, Կենտրոն և Նորք-Մարաշ վարչական շրջանների ընդհանուր իրավասության դատարանի՝ հուլիսի 6-ի որոշմամբ «Air Armenia» ՓԲԸ-ն գտնվում է լուծարման գործընթացում։

Ինչպես հաղորդում է թերթը, «Air Armenia» ՓԲԸ-ին նույն դատարանն անցած տարվա նոյեմբերի 2-ին սնանկ էր ճանաչվել, իսկ այս տարվա մարտին հաստատվել էր ընկերության առողջացման ծրագիրը։ -0-