ԵՐԵՎԱՆ, 1 փետրվարի. /Նովոստի–Արմենիա/. Բրիտանական Momondo միջազգային որոնողական համակարգը հրապարակել է 2017 թ.–ի ամենաբյուջետային տուրիստական ուղղությունների ամսական ցանկը։
Միաժամանակ, բրիտանական որոնողական համակարգի տվյալներով, Երևանը դարձել է ամենաբյուջետային հանգստավայրը այս տարվա հունիսին։
Երևանը գլխավորել է ռուսաստանցիների նախընտրած զբոսաշրջային ուղղությունների տասնյակը 2016 թվականին>>
Վարկանիշի հեղինակներն առաջարկում են զբոսաշրջիկներին անպայման զբոսնել Երևանի Հյուսիսային պողոտայով, որը ձգվում է Օպերային թատրոնի շենքից մինչև Հանրապետության հրապարակ, որտեղ կարելի է զմայլվել հայտնի «Երգող շատրվաններով»։
Momondo–ն խորհուրդ է տալիս Երևանի հյուրերին վայլել երկարատև ամառային գիշերները «վարդագույն» քաղաքում, ինչպես նաև այցելել գողտրիկ սրճարաններն ու անպայման համտեսել լահմաջո։
Հայաստանում տարածված «ֆաստֆուդի» հնգյակը>>
Որոնողական համակարգն իր ցանկում ներառել է նաև Սոֆիան (Բուլղարիա), ուր ավելի լավ է այցելել հունվարին, փետրվար ամսվա ամենաբյուջետային ուղղությունն է Սան Անտոնիոն (Տեխաս, ԱՄՆ), մարտին` Վալպարաիսոն (Չիլի), ապրիլին` Բրագան (Բուլղարիա), մայիսին` Լաս Պալմաս դե Գրան Կանարիան (Իսպանիա), հուլիսին`Բելֆաստը (Հյուսիսային Իռլանդիա), օգոստոսին` Լվովը (Ուկրաինա), սեպտեմբերին` Պրիշտինան (Կոսովո), հոկտեմբերին` Պանաման (Պանամա), նոյեմբերին` Կալամատան (Հունաստան), դեկտեմբերին` Սարաևոն (Բոսնիա և Հերցեգովինա)։
Հայաստանը ներառվել է բրիտանական պորտալի` զբոսաշրջային սլոգանների համաշխարհային քարտեզում>>
Վարկանիշում ներառվելու չափորոշիչներն են սննդի և տեղական գարեջրի գները, տաքսի ծառայությունների սակագները, ինչպես նաև երեք աստղանի հյուրանոցում ընտանիքի համար (երկու մեծահասակ և երկու երեխա) իջևանելու սակագինը։–0–
