Երևանում ծնված հնգյակից մեկը մահացել է

ԵՐԵՎԱՆ, 6 մայիսի./Նովոստի–Արմենիա/. Երևանում մայիսի 3–ին ծնված հնգյակից մեկն այսօր լուսադեմին մահացել է։

Այս տեղեկությունը «Նովոստի–Արմենիա» գործակալությանը հաստատեց «Էրեբունի» ԲԿ–ի մամուլի քարտուղար Շուշան Հունանյանը` նշելով, որ մահացել է «Էրեբունի» ԲԿ–ում պահվող աղջիկներից մեկը։


Հունանյանը, սակայն, չնշեց երեխայի մահվան պատճառը։

«Մայրը դեռ տեղյակ չէ երեխայի մահվան մասին», – նշեց Հունանյանը։

Մայիսի 3-ին «Էրեբունի» բժշկական կենտրոնում առավոտյան ժամը 04։00-ին լույս աշխարհ էր եկել հնգյակ՝ 4 աղջիկ, 1 տղա։

Նորածինները լույս աշխարհ են եկել 600, 820, 840, 840 և 880 գրամ քաշով։ Նրանց լույս աշխարհ գալուց անմիջապես հետո ձեռնարկվել են անհրաժեշտ ռեանիմոցիոն գործողություններ։–0–