ԵՐԵՎԱՆ, 13 փետրվարի. /Նովոստի–Արմենիա/. Երևանի քաղաքապետարանը երեքշաբթի հայտարարություն է տարածել Ավագանու նիստում գրանցված միջադեպի մասին։
Загружается новость ... "Лево"
Հիշեցնենք, որ «Երկիր Ծիրանի» կուսակցության անդամ Մարինա Խաչատրյանը կոյուղու ջուր էր բերել նիստին` ցանկանալով այն փոխանցել Տարոն Մարգարյանին։ Այս կերպ նա փորձում էր հնչեցնել Նուբարաշենի կոյուղաջրերի խնդիրը։
ՀՀԿ խմբակցության ներկայացուցիչները խոչընդոտել են դրան և փորձել խանգարել ընդդիմադիրներին փոխանցել կեղտաջուրը քաղաքապետին։ Այդ պահին Տարոն Մարգարյանն ընդմիջում է հայտարարել, որի ընթացքում Ավագանու խորհրդի անդամների միջև ծեծկռտուք է սկսվել։
«Երևան քաղաքի ավագանու 2018թ. փետրվարի 13-ի նիստում ավագանու «Երկիր ծիրանի» խմբակցության անդամների կողմից թույլ է տրվել ավագանու ինստիտուտը վարկաբեկող, ավագանու նիստի կանոնակարգը միտումնավոր խախտող, ավագանու մյուս անդամների, նիստին ներկա Երևանի քաղաքապետարանի աշխատակազմի և լրատվամիջոցների ներկայացուցիչների իրավունքները ոտնահարող, հային, երևանցուն և, ընդհանրապես, անթույլատրելի ու բանական մարդուն ոչ վայել, կանխամտածված արարք՝ ստեղծելով հակասանիտարական վիճակ և ժամանակավորապես խաթարելով ավագանու բնականոն աշխատանքը», – նշվում է հայտարարության մեջ։
Загружается новость ...
"Право"
«Չփորձելով իրավական գնահատական տալ ակնհայտ նախապատրաստված այդ արարքին, ինչպես նաև նիստին մասնակից ավագանու այլ անդամների և աշխատակազմի ներկայացուցիչների առողջությանը հասցված վնասին, Երևանի քաղաքապետարանը խստորեն դատապարտում է նման արարքն ու վարքագիծը թե՛ Երևանի քաղաքապետարանի շենքում, թե՛ Երևան քաղաքում, թե՛, առհասարակ, որի արդյունքում վնաս կարող է հասցվել յուրաքանչյուր երևանցուն», – նշվում է քաղաքապետարանի հայտարարության մեջ։
Միջադեպից հետո «Երկիր Ծիրանի»–ի ղեկավար Զարուհի Փոստանջյանը հայտնել է, որ իրենց խմբակցության անդամի նկատմամբ բռնության կիրառման փաստով նրանք կդիմեն իրավապահ մարմիններին, որպեսզի մեղավորները պատժվեն։
Նույն օրը Երևանի քաղաքապետարանի շենքի առաջ անցկացվեց ակցիա` ընդդեմ կանանց նկատմամբ բռնության։ Ակցիայի մասնակիցներն օգտագործում էին սուլիչներ` ուշադրություն գրավելու համար։–0–