628.02
7
533.17
+18
Եղանակը Երևանում
Հայ

Վիկտոր Սողոմոնյան. ձախողումից հետո իշխանությունն անցել է նոր մեղադրանքի փնտրտուքի

18:15
12 Հոկտեմբերի 2018

ԵՐԵՎԱՆ, 12 հոկտեմբերի./Նովոստի–Արմենիա/. ՀՀ Ազգային անվտանգության ծառայությունը հոկտեմբերի 11-ին տարածեց հայտարարություն ՀՀ մաքսային ծառայության նախկին ղեկավար Արմեն Ավետիսյանի նկատմամբ քրեական գործ հարուցելու վերաբերյալ՝ ձեռնարկատիրական գործունեությանն ապօրինի մասնակցելու և փողերի լվացման մեղադրանքով:

«2001 թվականից զբաղեցնելով ՀՀ մաքսային պետական կոմիտեի նախագահի պաշտոնը, իր հետ գործնական կապերի մեջ գտնված անձանց հետ  համատեղ ձեռնարկել և հիմնականում կանխիկ գումարներով ֆինանսավորել է Երևանի Ազատության պողոտայում գտնվող «Գոլդեն Փելես» հյուրանոցային համալիրի կառուցումը: Իր և մյուսների մասնակցությունը, ինչպես նաև ֆինանսավորման աղբյուրը քողարկելու նպատակով հյուրանոցի կառուցումը վերագրվել է Կիպրոսի օֆշորային գոտում հիմնադրված «Ռիվերհիլ Հոլդինգս» ՍՊ ընկերությանը` հանրությանը այդկերպ մոլորեցնելով, թե հյուրանոցի կառուցման համար ծախսված միլիոնավոր ԱՄՆ դոլարներն իբր ՀՀ-ում օտարեկրյա ներդրում են»,- ասվում է ԱԱԾ հայտարարության մեջ:

Տեսանյութում կա երկու հատված ՀՀ երկրորդ նախագահ Ռոբերտ Քոչարյանի ելույթներից, որոնցից մեկը «Գոլդեն Փելես» հյուրանոցի բացման ժամանակ լրագրողների հետ զրույցից է, մյուսը՝ արդեն 2018թ. «Երկիր Մեդիա» հեռուստաընկերությանը տված հարցազրույցից, որտեղ նախագահը խոսում է Արմեն Ավետիսյանի ունեցվածքի մասին:

Իսկ հոկտեմբերի 9-ին ՀՔԾ միջնորդության հիման վրա դատարանը կալանավորեց գործարար, Հ2 հեռուստաընլերության սեփականատեր Սամվել Մայրապետյանին: Նրան մեղադրանք է առաջադրվել կաշառք ստանալուն օժանդակելու հատկանիշներով: Ըստ մամուլի՝ նրա դեմ  ցուցմունք է տվել գործարար Սիլվա Համբարձումյանը: Դարձյալ համաձայն մամուլի, այդ գումարը պետք է հասներ Ռոբերտ Քոչարյանին:

Երկու թեմաների մեկնաբանության խնդրանքով 2rd.am–ը գրավոր հարցերով դիմել է ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանին: Պատասխանը ներկայացնում ենք ստորև.

«Այդ հոլովակը իշխանությունների՝ նախագահ Քոչարյանին վարկաբեկելու հերթական պրիմիտիվ փորձն է։ ԱԱԾ և ՀՔԾ ղեկավարների հեռախոսազրույցի հրապարակումից հետո, որն ի չիք դարձրեց «սահմանադրական կարգը տապալելու» հարցով Քոչարյանի քրեական հետապնդման իրավական հեռանկարները,  իշխանությունները հապճեպորեն փորձում են նրա դեմ կոռուպցիոն բնույթի մեղադրանքներ «սարքել»։
Ակնհայտ է, որ դա արվում է սահմանադրությամբ ամրագրված՝ նախագահի անձեռնմխելիությունը շրջանցելու համար։ 
Նախագահ Քոչարյանը կապ չունի հոլովակում ցուցադրված հյուրանոցների հետ։ ՀՀ նախագահը մասնակցել է այդ ժամանակների գրեթե բոլոր հյուրանոցների բացմանը զբոսաշրջության՝ որպես երկրի տնտեսության զարգացման գերակա ուղղության համատեքստում։

Հիմա, ինչ վերաբերում է Արմեն Ավետիսյանին․Ռոբերտ Քոչարյանը երբեք քաղաքացիների ունեցվածքի մասին տեղեկությունների հավաքագրմամբ չի զբաղվել՝ թե լինելով նախագահի պաշտոնում, թե, առավել ևս, պաշտոնավարումից հետո։ Դրա համար գոյություն ունեն կադաստրի և ռեեստրի պետական համապատասխան ծառայությունները։
Այս ամենը մի բան է նշանակում, Ռոբերտ Քոչարյանի նկատմամբ քաղաքական հետապնդումը շարունակվում է, բայց արդեն կոռուպցիայի դեմ պայքարի կարգախոսների ներքո։ Եվ դա արվում է դեռևս պաշտոնավարող այն պաշտոնյաների կողմից, որոնք հրապարակայնորեն «բռնվել են» Քոչարյանի կալանքի հարցում դատավորի վրա ճնշում գործադրելու հանցավոր դավադրության մեջ: 
Ինչ վերաբերում է Սիվա Համբարձումյանին, ապա Ռոբերտ Քոչարյանը երբևէ կապ չի ունեցել նրա հետ, նույնիսկ չի իմացել այդ անուն-ազգանունով գործարարի գոյության մասին։ Այնպես որ՝ գործ ունենք հերթական ստի հետ»։

Հետգրություն՝ 2rd.am-ի կողմից. պաշտոնավարման ընթացքում Ռոբերտ Քոչարյանը մասնակցել է ոչ միայն «Գոլդեն Փելես», այլև «Երևան», «Մետրոպոլ», «Արարատ», «Մարիոթ», «Թուֆենկյան» և տասնյակ այլ հյուրանոցների բացման արարողություններին:–0–

Partners News
ԱՌԿԱ գործակալություն
Բաժնի այլ նյութեր
13:33
04 Ապրիլի 2021
Արդեն ուշ ա, ամեն ինչ շատ լուրջ ա... Հարութը կյանքը զոհեց զինակից ընկերներին փրկելիս.ԷՔՍԿԼՅՈՒԶԻՎ (ՎԻԴԵՈ)
Հարությունը պատերազմի դաշտում կյանքեր է փրկել, զոհվել` զինակից ընկերներին կրակի տակից դուրս բերելիս ու հայրենիքը պաշտպանելիս. էՔՍԿԼՅՈՒԶԻՎ. ՎԻԴԵՈ
11:35
04 Ապրիլի 2021
Զատկական հայրապետական պատարագ Երևանի Ս. Գրիգոր Լուսավորիչ մայր եկեղեցում. ՈւՂԻՂ
Զատկական հայրապետական պատարագ Երևանի Ս. Գրիգոր Լուսավորիչ մայր եկեղեցում. ՈւՂԻՂ
11:18
04 Ապրիլի 2021
Կորոնավիրուսը Հայաստանում. հաստատվել է 590 նոր դեպք, առողջացել է 608 մարդ, մահացել է 17 մարդ
Կորոնավիրուսը Հայաստանում. հաստատվել է 590 նոր դեպք, առողջացել է 608 մարդ, մահացել է 17 մարդ
11:13
04 Ապրիլի 2021
Հայ Առաքելական Եկեղեցին նշում է Հիսուս Քրիստոսի հրաշափառ Հարության տոնը
Հայ Առաքելական Եկեղեցին նշում է Հիսուս Քրիստոսի հրաշափառ Հարության տոնը
19:50
03 Ապրիլի 2021
Հայաստանը նշում է Սուրբ Հարության Ճրագալույցը
Երեկոյան ժամերգությունից հետո սկսվում է նոր օր: Երեկոյան մատուցվում է Ճրագալույցի Ս. Պատարագ, որի ավարտին ազդարարվում է Փրկչի հրաշափառ Հարության ավետիսը. «Քրիստոս յարեաւ ի մեռելոց, օրհնեալ է յարութիւնն Քրիստոսի»
13:18
03 Ապրիլի 2021
ՀԱՎԵՐԺ ՓԱՌՔ ՄԵՐ ՀԵՐՈՍՆԵՐԻՆ. հրապարակվել են Հայրենիքի պաշտպանության համար մղված մարտերում նահատակված 54 զինծառայողների անունները
ՀԱՎԵՐԺ ՓԱՌՔ ՄԵՐ ՀԵՐՈՍՆԵՐԻՆ. հրապարակվել են Հայրենիքի պաշտպանության համար մղված մարտերում նահատակված 54 զինծառայողների անունները
12:03
03 Ապրիլի 2021
ՇԱՏ ՀՈՒԶԻՉ. զոհված կապիտանի նորածնին դիմավորում են նրա ծառայակիցները (ՎԻԴԵՈ)
ՇԱՏ ՀՈՒԶԻՉ. զոհված կապիտանի նորածնին դիմավորում են նրա ծառայակիցները. ՎԻԴԵՈ
11:19
03 Ապրիլի 2021
Կորոնավիրուսը Հայաստանում. հաստատվել է 1192 նոր դեպք, առողջացել է 856 մարդ, մահացել է 23 մարդ
Կորոնավիրուսը Հայաստանում. հաստատվել է 1192 նոր դեպք, առողջացել է 856 մարդ, մահացել է 23  մարդ
20:14
02 Ապրիլի 2021
ՎՏԲ-Հայաստան Բանկը փաստաթղթային բիզնեսի շրջանակներում ֆինանսավորել է United Travel ընկերությանը
ՎՏԲ-Հայաստան Բանկը և United Travel ընկերությունը համագործակցում են դեռևս 2015թ.-ից հաշվարկադրամարկղային և փաստաթղթավարկային գործարքների շրջանակներում
20:08
02 Ապրիլի 2021
Պեսկովը հրապարակել է Փաշինյան–Պուտին հանդիպման օրակարգը
Պեսկովը հրապարակել է ապրիլի 7–ին Մոսկվայում կայանալիք Փաշինյան–Պուտին հանդիպման օրակարգը
18:22
02 Ապրիլի 2021
Բաքուն ցուցադրել է Իսկանդերի մնացորդը, Փաշինյանը ինքնամեկուսացվել է, Մանուկյանի դեմ դատն էլ կավարտվի. ՀՐԱՏԱՊ ԼՈՒՐԵՐ (ՎԻԴԵՈ)
Բաքուն ցուցադրել է Իսկանդերի մնացորդը, Փաշինյանը ինքնամեկուսացվել է, Մանուկյանի դեմ դատն էլ կավարտվի. ՀՐԱՏԱՊ ԼՈՒՐԵՐ. ՎԻԴԵՈ
18:20
02 Ապրիլի 2021
Հայաստանում հայտնաբերվել է կորոնավիրուսի բրիտանական շտամով վարակվածության 10-ը դեպք. ԱՆ
Հայաստանում հայտնաբերվել է կորոնավիրուսի բրիտանական շտամով վարակվածության 10-ը դեպք