ԵՐԵՎԱՆ, 20 նոյեմբերի. /Նովոստի–Արմենիա/. ՀՀԿ–ն դեռևս չի քննարկել գործող վարչապետ Կարեն Կարապետյանի հրաժարականի հնարավորությունը, երկուշաբթի լրագորղներին ասաց ՀՀԿ խմբակցության ղեկավար Վահրամ Բաղդասարյանը։
Загружается новость ... "Лево"
ՀՀ ԱԺ նախորդ նիստի ժամանակ, որի ընթացքում քննարկվում էր Հայաստանի 2018 թ.–ի պետբյուջեի նախագիծը, «Ծառուկյան» դաշինքը կտրուկ քննադատեց ՀՀ վարչապետ Կարեն Կարապետյանին։ Ընդդիմադիր դաշինքի կողմից քննադատության հիմնական պատճառներն էին ինչպես բյուջետային հարցերը` ծախսերի պակասը, պետական ծառայողների կրճատումը` կենսաթոշակների մակարդակի պահպանման ֆոնին, հարկային մարմինների կողմից իրականացվող`«Առինջ մոլ»–ի (որը ստեղծվել է «Ծառուկյան» դաշինքի առաջնորդ և պատգամավոր Գագիկ Ծառուկյանի կողմից) տնտեսվարող սուբյեկտների ստուգումները։
«Մենք չենք միջամտում այլ քաղաքական ուժերի ներքին գործերին և նորմալ ենք համարում, որ ընդդիմությունը քննադատում է իշխանությանը, սակայն այլ հարց է, թե որքանով է նման դիրքորոշումն օբյեկտիվ։ Կարծում ենք, որ ներկայացված բյուջեն իրատեսական է, այն չի պարունակում ճոխություններ, բացում է հեռանկարներ և ստեղծում է տնտեսական զարգացման հնարավորություններ։ Մենք աջակցում ենք ինչպես բյուջեին, այնպես էլ կառավարությանը, որը ներկայացրալ է այդ բյուջեն», – ասաց Բաղդասարյանը։
Նրա խոսքով, բյուջեի ծրագրային մոտեցումները հիմք են ստեղծում հետագա զարգացման համար։ Բաղդասարյանը կարևոր ձեռքբերում համարեց այն, որ նախընտրական շրջանում կառավարությունը չբարձրացրեց կենսաթոշակներն ու նպաստները։
Загружается новость ...
"Право"
Ինչ վերաբերում է վարչապետի անձին, ապա, ինչպես ինչպես նշեց խմբակցության ղեկավարը, Կարապետյանը երկար տարիներ զբաղվել է բիզնեսով և եղել է բավականին հաջողակ ու պահանջված մենեջեր, իսկ նրա հասցեին հնչող քննադատությունները հիմնավոր չեն։
Խոսելով հնարավոր հրաժարականի մասին` Բաղդասարյանը նշեց, որ ՀՀԿ–ն այս հարցում չի շտապում ներկայացնել եզրակացություններ ու գնահատականներ։
«Կարող ենք այդ հարցը քննարկել ավելի ուշ, եթե իրականացվեն կառավարության առջև դրված խնդիրները։ Սակայն հաշվի առնելով այն, որ բոլոր մոտեցումներն ու ծրագրերը կառուցված են բավականին լուրջ հեռանկարում և մինչև 2040 թ.–ը նախատեսված դինամիկ զարգացմամբ, ապա նման որոշում չի դիտարկվի առաջիկա 1–2 տարում։ Եթե դրված խնդիրները չիրականանան, ապա մենք կտանք համապատասխան գնահատական», – ասաց նա։–0–
