ՎՏԲ-Հայաստան Բանկը Mastercard-ի հետ համատեղ հայտարարում է «ԿԻՆՈԺԱՄ» պրոմո-արշավի մեկնարկի մասին
ԵՐԵՎԱՆ, 5 մարտի. /Նովոստի–Արմենիա/. ՎՏԲ-Հայաստան Բանկի բոլոր Mastercard և Maestro քարտապանները կդառնան «ԿԻՆՈԺԱՄ» ազգային արշավի մասնակիցներ, հաղորդում է բանկի մամուլի ծառայությունը։
2018 թ. մարտի 1-ից մինչև ապրիլի 7-ը ներառյալ ՎՏԲ-Հայաստան Բանկի Mastercard և Maestro քարտապանները, կատարելով անկանխիկ գնումներ և վճարելով Mastercard և Maestro քարտերով Հայաստանի տարածքում և արտերկրում, կստանան կինոթատրոնի անվճար տոմսեր:
«ԿԻՆՈԺԱՄ» ակցիային մասնակցելու համար անհրաժեշտ է. 2018 թ. մարտի 1-ից մինչև ապրիլի 7-ը ներառյալ ամենօրյա և խոշոր գնումները կատարել ՎՏԲ-Հայաստան Բանկ Mastercard և Maestro քարտերով, մարտի 10-ից յուրաքանչյուր շաբաթ և կիրակի օր ժամը 12:00-ից մինչև 20:00 ներկայացնել գնումների կտրոնները Դալմա Գարդեն Մոլ և Երևան Մոլ առևտրային կենտրոններում տեղադրված Mastercard-ի հատուկ տաղավարներ և 8.000 ՀՀ դրամից ավելի անկանխիկ վճարման յուրաքանչյուր 4 կտրոնի դիմաց ստանալ կինոթատրոնի 2 անվճար տոմսի հավաստագիր:
Բանկից նաև նշում են, որ պրոմո-արշավը չի տարածվում Mastercard և Maestro քարտերով ինտերնետ միջավայրում կատարված վճարումների վրա: Միևնույն հաճախորդը կարող է մասնակցել պրոմո-արշավին անսահմանափակ քանակությամբ` ակցիայի ընթացքում մի քանի անգման փոխանակելով անդորրագրերը անվճար տոմսերով:
«ԿԻՆՈԺԱՄ» պրոմո-արշավի պայմանների վերաբերյալ առավել մանրամասն տեղեկատվություն կարելի է ստանալ ՎՏԲ-Հայաստան Բանկի մասնաճյուղերում և Բանկի Միասնական տեղեկատվական կենտրոնում՝ 87-87 հեռախոսահամարով:
«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:–0–
