Սուրենյանը բարի լուր է հայտնել

ԵՐԵՎԱՆ, 5 փետրվարի. /Նովոստի Արմենիա/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը բարի լուր է հայտնել հայաստանցիներին:

«Կրկին արևառատ և տաք շաբաթ», - գրել է նա facebook-ի իր էջում:

Ըստ Հայհիդրոմետկենտրոնի տվյալների, օդի ջերմաստիճանը փետրվարի 5-ին կբարձրանա 5-7 աստիճանով, այնուհետև էապես չի փոխվի:

Առավել տաք կլինի Սյունիքի հովիտներում, որտեղ փետրվարի 6-10-ի ցերեկը օդի ջերմաստիճանը կբարձրանա մինչև 13-16 աստիճան: Տաք եղանակ կլինի նաև Արմավիրում, Արարատում, Վայոց Ձորի նախալեռներում ու Արցախում, որտեղ այդ օրերին կլինի +11…+14 աստիճան: