ԵՐԵՎԱՆ, 29 մայիսի./Նովոստի–Արմենիա/. ՀՀ ԱԺ պատգամավոր Շիրակ Թորոսյանը Facebook–յան իր էջում տեղեկացրել է, որ դուրս է գալիս ՀՀԿ խմբակցությունից։
«Սիրելի հայրենակիցներ, հաշվի առնելով քաղաքական գործընթացների վերաբերյալ իմ և ԱԺ ՀՀԿ խմբակցության տեսակետների անհամատեղելիությունը, ինչպես նաև իմ քաղաքական թիմի՝ «Հզոր հայրենիք» կուսակցության՝ առաջիկայում սպասվելիք արտահերթ խորհրդարանական ընտրություններին առանձին մասնակցելու հնարավոր որոշման կայացումը, այլևս աննպատակահարմար եմ համարում մնալ ԱԺ ՀՀԿ խմբակցությունում և հայտարարում եմ, որ դուրս եմ գալիս այս խմբակցությունից՝ շարունակելով իմ խորհրդարանական գործունեությունը որպես ՀՀ ԱԺ անկախ պատգամավոր», – գրել է Թորոսյանը Facebook–յան իր էջում։
Միաժամանակ, ՀՀԿ–ի մամուլի ծառայության հաղորդմամբ, ՀՀ ԱԺ վեցերորդ գումարման §ՀՀԿ¦ խմբակցության թիվ 35 նիստի արձանագրությամբ քննարկվել է Շիրակ Թորոսյանին խմբակցությունից հեռացնելու մասին հարցը։
«Խմբակցությունը միաձայն կողմ քվեարկեց, համաձայն §Հայաստանի Հանրապետական կուսակցություն¦ խմբակցության կանոնադրության 12-րդ բաժնի 1-ին մասի 2-րդ կետի դրույթների, Շիրակ Թորոսյանին խմբակցությունից հեռացնելու մասին հարցին», – նշվում է ՀՀԿ–ի հաղորդագրության մեջ։–0–