Ռուսաստանի ներկա քաղաքականությունը կարող է կրկնակի պարտվողական լինել

ԵՐԵՎԱՆ, 14 հունիսի. /Նովոստի-Արմենիա/. Ռուսաստանի ներկա քաղաքականությունը կարող է կրկնակի պարտվողական լինել, քանի որ ՌԴ–ն կարող է կորցնել և՛ Հայաստանը, և՛ Ադրբեջանը, կարծում է քաղաքական տեսաբան, լրագրող Հայկ Խալաթյանը:

«Ռուսաստանը պետք է հասկանա, որ նրա ներկա քաղաքականությունը, երբ նա չի ցանկանում ընտրություն կատարել կողմերի միջև, ի վերջո, կարող է հանգեցնել նրան, որ ոչ Հայաստանը, ոչ էլ Ադրբեջանը չեն մնա ՌԴ-ի ազդեցության գոտում», - երեքշաբթի ասաց Խալաթյանը Ռուս-հայկական (Սլավոնական) համալսարանում տեղի ունեցած «Ղարաբաղյան հակամարտությունը. պատմությունն ու արդիականությունը» թեմայով միջազգային խորհրդաժողովի ժամանակ:

Նա նշեց, որ նման քաղաքականությունը կարող է հանգեցնել Հայաստանում Ռուսաստանի դիրքի թուլացմանը և ՌԴ-ի հետ բարեկամությունը կդարձնի «ոչ շահավետ»:

Խալաթյանի խոսքով, Հայաստանին պետք է «ՀԱՊԿ-ի ոչ թե ռազմական, այլ քաղաքական աջակցությունը, ինչը, ցավոք, բացակայում է»:

Այս կապցությամբ նա հիշեցրեց ԼՂՀ–ում ապրիլյան պատերազմի ընթացքում ստեղծված իրավիճակի մասին, երբ Բելառուսի նախագահը տեղեկանում էր իրավիճակի մասին ոչ թե իր դաշնակցից` Հայաստանից, այլ չգիտես`ինչու զանգահարում էր Ադրբեջան` Իլհամ Ալիևին: Նա նաև որպես օրինակ խոսեց Ղազախստանի մասին, որը, աջակցելով Ադրբեջանին, բոյկոտեց Երևանում նախատեսված ԵՏՄ անդամ երկրների Նախարարների խորհրդի նիստը:

Այս ամենը չի չակող չզայրացնել հայ հասարակությանը: Կարծում եմ, որ այժմ իշխանությունները ստիպված կլինեն ավելի կոշտ դիրք զբաղեցնել Ռուսաստանի հետ հարաբերություններում», - ավելացրեց Խալաթյանը:

Ապրիլի 2–ից 5–ն ադրբեջանական ԶՈՒ–ն ղարաբաղա–ադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։–0–