ԵՐԵՎԱՆ, 24 հոկտեմբերի. /Նովոստի–Արմենիա/. Բնակչության համար գազի գնի նվազեցման հարցով զբաղվող աշխատանքային խումբը, որը ստեղծվել է ՀՀ կառավարության կողմից, սկսել է իր աշխատանքը։ Այս մասին հայտարարեց ՀՀ վարչապետի պաշտոնակատար Նիկոլ Փաշինյանը` չորեքշաբթի ելույթ ունենալով ԱԺ–ում վարչապետի ընտրություններից առաջ։
Նախօրեին «Ելք» խորհրդարանական խմբակցությունը ՀՀ վարչապետի պաշտոնում առաջադրեց վարչապետի պաշտոնակատար Նիկոլ Փաշինյանի թեկնածությունը։
«Խմբի ստեղծումը պայմանավորված է ՌԴ նախագահ Վլադիմիր Պուտինի հետ ձեռք բերված մեր պայմանավորվածություններով։ Երբ ես նրան ներկայացրեցի իրավիճակը, որի դեպքում գազը Հայաստան է ներկրվում մի գնով, իսկ բնակչությանը վաճառվում մեկ այլ գնով, նա, անկեղծ ասած, զարմացավ», – նշեց Փաշինյանը։
Նրա խոսքով, ՌԴ նախագահի հետ ձեռք է բերվել պայմանավորվածություն իրավիճակն ուսումնասիրելու անհրաժեշտության և ստացված փաստերի հիման վրա խնդիրը լուծելու մասին։–0–