ԵՐԵՎԱՆ, 27 ապրիլի./Նովոստի–Արմենիա/. Ընդդիմության առաջնորդ Նիկոլ Փաշինյանը հույս է հայտնել, որ «Ծառուկյան» դաշինքն ու ՀՅԴ–ն կկողմնորոշվեն և մինչև մայիսի 1–ը կհայտարարեն, թե ում օգտին են մտադիր քվեարկել վարչապետի ընտրություններին։
Այս մասին Փաշինյանը հայտարարել է լրագրողներին ուրբաթ` մեկնաբանելով այդ քաղաքական ուժերի հետ հանդիպման արդյունքները։
Загружается новость ... "Лево"
Նախօրեին Փաշինյանը հայտարարեց, որ հադիպել է ԲՀԿ առաջնորդ Գագիկ Ծառուկյանի հետ։ Այսօր էլ Փաշինյանը տեղեկացրեց, որ հանդիպել է ՀՅԴ ներկայացուցիչներ Արմեն Ռուստամյանի և Արսեն Համբարձումյանի հետ։
«Մեր հանդիպումների ժամանակ նրանց դիրքորոշումների կոնկրետացում տեղի չի ունեցել։ Սակայն հուսով եմ, որ երկու քաղաքական ուժերն էլ կճշտեն վարչապետի քվեարկության հարցում իրենց դիրքորոշումները մինչև մայիսի 1–ը։ Կարծում եմ նաև, որ իմաստ կա հրապարակել բոլոր պատգամավորների հեռախոսահամարները, որպեսզի ընտրողները կկարողանան կապվել նրանց հետ և հասկանալ նրանց դիրքորոշումը։ Կարելի է հրապարակել նաև պատգամավորների հասցեները, որպեսզի ընտրողները կարողանան զրուցել նրանց հետո», – հայտարարեց Փաշինյանը։
Նա նաև մեկնաբանեց խոսակցություններն այն մասին, թե պատգամավորները դուրս են գալիս ՀՀԿ–ից և պատրաստ են աջակցել նրա թեկնածությանը։
«Ստեղծված իրավիճակում քաղաքական ուժերի ցանկացած քայլ կգնահատի ժողովուրդը։ Մենք ընդհանուր առմամբ բաց ենք և պատրաստ բանակցությունների ու երկխոսության։ Ինչ վերաբերում է պատգամավորների արտահոսքին, ապա դուք տեսնու՞մ եք, որ այդ մասին հրապարակային հայտարարություններ չկան։ Իսկ ես բաց քաղաքականության կողմնակից եմ», – հայտարարել է Փաշինյանը։–0–
