ԵՐԵՎԱՆ, 28 հունիսի. /Նովոստի Արմենիա/. ՀՀ վարչապետ Նիկոլ Փաշինյանը խոստացել է հրաժարվել Բաղրամյան 26–ում տեղակայված նստավայրից ու վերադարձնել այն նախագահին։
ՀՀ կառավարությունը հինգշաբթի նիստում հաստատել է վարչապետի աշխատակազմի տեղակայման վայրը։ Որպես հասցե նշված է երկու տարբերակ` Բաղրամյան 26 ու Հանրապետության հրապարակում գտնվող կառավարության շենքը։ Ինչպես նշվում է որոշման նախագծում, հայկական օրենսդրության համաձայն` վարչապետի նստավայրի տեղակայման վայրը որոշում և հաստատում է կառավարությունը։
«Քանի որ այդ հարցը մեծ հասարարակական հետաքրքրություն է ներկայացնում, ապա ցանկանում եմ նշել, որ մենք ընդունում ենք միայն տեխնիկական որոշում օրենքի պահանջները բավարարելու համար։ Սակայն ես կարծում եմ, որ վարչապետը պետք է հրաժարվի Բաղրամյան պողոտայում տեղակայված նստավայրից ու վերադարձնի այն նախագահին, ինչպես եղել է նախկինում», – ասաց Փաշինյանը։
« Ուզում եմ արձանագրել, որ տարօրինակ իրավիճակում ենք, երբ վարչապետը 2 շենքում է տեղակայվում, տարօրինակ իրավիճակ է լինում», – նշեց ՀՀ վարչապետն ու ավելացրեց, որ փաստացի արդեն երկար ժամանակ աշխատում է Հանրապետության հրապարակում գտնվող կառավարության շենքում, «ինչը նաև հարմար է»։
Վարչապետը նշեց, որ համաձայն չէ իր հասցեին հնչող այն մեղադրանքներին, որ իշխանության գալուց հետո մոռացել է այն ամենը, ինչի համար քննադատում էր նախկին կառավարությանը։
«Այն, ինչ քննադատել ենք, իրականություն կդարձնենք, և կարծում եմ, որ հարցերին ոչ թե անձնավորված մոտեցում պետք է ցուցաբերել, այլ ինստիտուցիոնալ»,– ասաց Փաշինյանը։
Նա, մասնավորպես, նշեց, որ մինչև նստավայրը նախագահին փոխանցելն
անհրաժեշտ է լուծել արարողակարգային հարցեր, քանի որ կարգավիճակի փոփոխության արդյունքում վարչապետը դարձել է պետության առաջին դեմքը։
Ըստ նրա, այդ մոտեցումների փոփոխություններից հետո անհրաժեշտ է նաև լուծել պետական բոլոր կառույցների նորմալ տեղակայման ու բոլոր ընթացակարգային նորմերի պահպանման հարցերը։
«Մենք կփորձենք սեղմ ժամկետներում լուծել բոլոր հարցերը, վարչապետը կունենա մեկ նստավայր, իսկ Բաղրամյան պողոտայում տեղակայված շենքը մենք կվերադարձնենք նախագահին», – ասաց Փաշինյանը։
Պետական պաշտոն զբաղեցնող անձանց սոցիալական երաշխիքների մասին» օրենքում կատարված փոփոխությունների համաձայն, ՀՀ նախագահի նստավայրը փոխել է «գրանցումը», այն տեղափոխվել է Կառավարության ընդունելությունների տան շենք, իսկ Բաղրամյան 26–ում գտնվող պետության ղեկավարը նստավայրը զբաղեցնում է վարչապետը։ Միաժամանակ, իշխանության ներկայացուցիչները փոփոխությունների ընթացքում առաջարկել են փոփոխությունները չկապել նախկին նախագահ Սերժ Սարգսյանի անձի հետ, ով ավելի ուշ առաջադրվեց վարչապետի պաշտոնում։ Ինչպես նշում էին պաշտոնյաները, շենքը, որտեղ գտնվում էր նախագահի նստավայրը, առավել օպտիմալ հարմարեցված է գործադիր իշխանության ղեկավարի գործունեության համար։–0–
