Փաշինյանը հայտարարել է բողոքի ակցիաների շարունակության մասին, հիմա երթով շարժվում է փողոցներով
25.04.2018,
12:39
Նիկոլ Փաշինյանը հայտարարել է բողոքի ակցիաների շարունակության մասին և նշել, որ այսօր Հանրապետության հրապարակում տեղի կունենա հանրահավաք։
ԵՐԵՎԱՆ, 25 ապրիլի./Նովոստի–Արմենիա/. Ընդդիմության առաջնորդ Նիկոլ Փաշինյանը հայտարարել է բողոքի ակցիաների շարունակության մասին և նշել, որ այսօր Հանրապետության հրապարակում տեղի կունենա հանրահավաք։
Загружается новость ... "Лево"
«Ժողովուրդ, հիմա արդեն փակ են Արշակունյաց պողոտան, Գարեգին Նժդեհ հրապարակը, Հալաբյան–Կիևյան փողոցների խաչմերուկը, Մարտունիից Երևան է շարժվում ավտոշարասյուն մեր շարժմանն աջակցելու համար։ Հիմա մենք քայլում ենք Մաշտոցի պողոտայով և երթով շարժվում քաղաքով, իսկ օրվա վերջում` ժամը 19։00–ին կրկին կհավաքվենք Հանրապետության հրապարակում և կանցկացնենք հերթական հանրահավաքը», – հայտարարեց Փաշինյանը։
Նշենք նաև, որ հիմա Վազգեն Սարգսյան փողոցում, որը հարակից է Հանրապետության հրապարակին, նկատվում է ոստիկանական ուժերի և հատուկ միջոցների մեծ կուտակում։
Հայաստանում ապրիլի 13–ից մեկնարկած մասշտաբային բողոքի ակցիաների ֆոնին ապրիլի 23–ին ՀՀ վարչապետ Սերժ Սարգսյանը հրաժարական տվեց։ Նույն օրը ՀՀ նախագահ Արմեն Սարգսյանն ընդունեց կառավարության հրաժարականը։–0–
Պատճենել հղումը
