«Նուբարաշեն» ՔԿՀ–ի վարչակազմն անմիջապես արձագանքել է դատապարտյալների դժգոհությանը. միջադեպը հարթվել է. պարզաբանում

ԵՐԵՎԱՆ, 3 մայիսի. /Նովոստի–Արմենիա/. Այսօր մի շարք ԶԼՄ–ներ տեղեկատվություն են տարածել, թե իբր ՀՀ ԱՆ «Նուբարաշեն» քրեակատարողական հիմնարկում դիմակավորված անձանց կատարած գործողությունների արդյունքում դատապարտյալները, ի նշան բողոքի, «բունտ» են արել, և քրեակատարողական հիմնարկում խառնաշփոթ իրավիճակ է տիրում։

ՀՀ ԱՆ ՔԿՎ հանրային կապերի բաժինն այս կապակցությամբ պարզաբանում է տվել։

«Վերոբերյալի կապակցությամբ հարկ ենք համարում տեղեկացնել, որ քրեական գործի շրջանակներում Հատուկ քննչական ծառայության քննիչների կողմից հիմնարկի խցերից մեկում ժամը 16:10-ի սահմաններում իրականացվել են քննչական գործողություններ, որոնք առաջացրել են որոշ դատապարտյալների դժգոհությունը, ինչին անմիջապես արձագանքել է քրեակատարողական հիմնարկի վարչակազմը, և միջադեպը հարթվել է», – նշվում է հաղորդագրության մեջ։ –0–