ԵՐԵՎԱՆ, 9 հուլիսի./Նովոստի–Արմենիա/. ՀՀ վարչապետ Նիկոլ Փաշինյանի որդին` Աշոտ Փաշինյանն, այսօր մեկնում է զինվորական ծառայության։
Աշոտին ճանապարհելու համար հավաքակայան են եկել նրա մայրը՝ Աննա Հակոբյանը, մորեղբայրը՝ պատգամավոր Հրաչյա Հակոբյանը, հորեղբայրը՝ Արտակ Փաշինյանը:
Դեռ մայիսին տեսաուղերձի ժամանակ Փաշինյան կրտսերը հայտարարել էր, որ պատրաստվում է զորակոչվել բանակ ու ծառայության անցնել Արցախում։
Դրանից հետո ՀՀ վարչապետը կոչ էր արել արտերկրում գտնվող և ծառայություն չանցած ՀՀ քաղաքացիներին առաջին իսկ հնարավորության դեպքում վերադառնալ Հայաստան և մեկնել ժամկետային զինվորական ծառայության։–0–