Լեհաստանից և Գերմանիայից թռչնի մսի ներմուծման արգելանքը վերացվել է
ԵՐԵՎԱՆ, 25 հոկտեմբերի. /Նովոստի Արմենիա/. ՀՀ անվտանգության պետական ծառայությունը վերացրել է ներմուծման արգելանքը, հայտնում է գերատեսչության մամուլի ծառայությունը։
«Հիմք ընդունելով Լեհաստանի Հանրապետությունում և Գերմանիայի Դաշնային Հանրապետությունում արձանագրված բարձր ախտածին թռչնի գրիպ հիվանդության վերացման վերաբերյալ Կենդանիների առողջության համաշխարհային կազմակերպության (OIE) պաշտոնական տեղեկատվությունը՝ ՀՀ ԳՆ սննդամթերքի անվտանգության պետական ծառայությունը վերացրել է ներմուծման արգելանքը», – ասված է տարածած հաղորդագրությունում:
Հոկտեմբերի 24-ից թույլատրվել է այդ երկրներից կենդանի թռչնի (բոլոր տեսակի), բոլոր տեսակի թռչնամթերքի, հումքի (փետուր, աղվամազ), ապրանքային և ինկուբացիոն ձվի, մսոսկրային ալյուրի, կերերի, լրացակերերի, պոլիմերային և ստվարաթղթե պալարային տուփերի և միջադիրների ներմուծումը: Ներմուծման արգելանքը գործում էր սույն թվականի փետրվարի 9–ից։ –0–
