ԵՐԵՎԱՆ, 2 ապրիլի./Նովոստի–Արմենիա/. Խորհրդարանական ընտրություններում մասնակցության թիվը ժամը 11։00–ի դրությամբ կազմել է 344 714 ընտրող կամ ընդհանուր ընտրազանգվածի 13,32 տոկոսը, տեղեկացրեց ՀՀ ԿԸՀ նախագահի տեղակալ Լաուրա Գալստյանը։
Ապրիլի 2–ին Հայաստանում անցկացվում են խորհրդարանական ընտրություններ։ Երկրի պատմության մեջ առաջին անգամ քվեարկությունն անցնում է 100 տոկոսանոց համամասնական համակարգով։ Ժամը 08։00–ից երկրի ողջ տարածքում բացվել են 2009 ընտրատեղամասերը, քվեարկությունը կավարտվի ժամը 20։00–ին։
«Երևանում ժամը 11։00–ի դրությամբ կազմել է 122 166 ընտրող, ինչը համապատասխանում է ընտրության իրավունք ունեցող քաղաքացիների 14,44 տոկոսին», – ասաց Գալստյանը լրագրողներին։
Նա նաև ներկայացրեց մարզկենտրոնների և 10 հազարից ավելի ընտրող ունեցող քաղաքների տվյալները։
Գալստյանի տվյալներով, Աշտարակում քվեարկել է 2 840 քաղաքացի (14,65 տոկոս), Արարատում` 2 323 (16.72 տոկոս), Արտաշատում` 3 431 (15,72 տոկոս), Մասիսում` 2 441 (14,84 տոկոս), Արմավիրում` 3807 (13,2 տոկոս), Վաղարշապատում`5 416 (11,93 տոկոս), Գավառում` 2 358 (10,32 տոկոս), Մարտունի` 1 317 (12,93 տոկոս), Սևանում` 2 822 (14,18 տոկոս), Վարդենիսում` 1099 (10,77 տոկոս), Ալավերդիում` 1531 (9,59 տոկոս), Սպիտակում` 1674 (12,53 տոկոս), Ստեփանավանում` 1746 (12,26 տոկոս), Վանաձորում` 10 805 (11,24 տոկոս), Աբովյանում` 4 442 (10,16 տոկոս), Եղվարդում` 1436 (13,56 տոկոս), Հրազդանում` 6 208 (13,96 տոկոս), Չարենցավանում` 2 802 (12,73 տոկոս), Արթիքում` 1899 (12,39 տոկոս), Գյումրիում` 11 771 (9,42 տոկոս), Գորիսում` 2 914 (12,49 տոկոս), Կապանում` 4 780 (15,52 տոկոս), Սիսիանում` 2 122 (17 տոկոս), Եղեգնաձորում` 835 (10,69 տոկոս), Դիլիջանում` 2 390 (11,52 տոկոս), Իջևանում` 2017 (15,55 տոկոս), Նոյեմբերյանում` 1898 (14,73 տոկոս)։
2017 թ.–ի ապրիլի 1–ի դրությամբ Ընտրողների ռեգիստրում, ՀՀ ոստիկանության տվյալներով, ներառված է 2 564 195 մարդ։
Կիրակի հանրապետությունում մեկնարկել են վեցերորդ գումարման խորհրդարանի ընտրությունները, որոնց մասնակցում է հինգ կուսակցություն և չորս դաշինք։ Այս ընտրություններն ուշագրավ են նրանով, որ երկրի պատմության մեջ առաջին անգամ քվեարկությունը տեղի է ունենում 100 տոկոսանոց համամասնական համակարգով: Այս ընտրություններն առաջին համապետական ընտրություններն են 2015 թ.-ի սահմանադրական փոփոխություններից հետո, որոնք նախատեսում են անցում խորհրդարանական իշխանավարման գործող նախագահի լիազորությունների ժամկետի ավարտից հետո` 2018 թ.–ին։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
