ԿԽՄԿ-ն երկխոսության մեջ է գտնվում իշխանությունների հետ հայկական տարածք անցած ադրբեջանցի բնակչուհու փաստով

ԵՐԵՎԱՆ, 8 հունիսի. /Նովոստի–Արմենիա/. Հունիսի 7-ին ադրբեջանական կողմից Հայաստանի տարածք անցած Ադրբեջանի քաղաքացի, 1977 թվականին ծնված Վալիևա Զոհրա Վարձար-քըզընի փաստով հայկական իշխանությունները դիմել են Կարմիր Խաչի Միջազգային Կազմակերպություն (ԿԽՄԿ), հայտնել է ԿԽՄԿ Հայաստանի գրասենյակի հաղորդակցման ծրագրերի ղեկավար Զառա Ամատունին։

Նրա խոսքով` հիմա ԿԽՄԿ-ն ,համապատասխան իր մանդատի, հարցի վերաբերյալ գտնվում է երկխոսության մեջ համապատասխան իշխանությունների հետ, հաղորդում է pastinfo.am-ը։

Ադրբեջանի քաղաքացին Հայաստանի տարածք է անցել սահմանի հյուսիս–արևելյան հատվածում>>

«Համապատասխան աշխատանքներ կատարվում նրան այցելելու, աջակցելու, նրա գտնվելու վայրի պայմաններին ծանոթանալու և ընտանիքի հետ կապ հաստատելու ուղղությամբ», –նշել է Ամատունին։

Հունիսի 7–ին Ադրբեջանի Թովուզի շրջանի Յանըխլը գյուղի բնակչուհի Զոհրա Վարձար-քըզը Վալիևան անցել է սահմանը Իջևանի ուղղությամբ։–0–