Հայաստանում օդի ջերմաստիճանը կտրուկ կնվազի. սպասվում է ձյուն

ԵՐԵՎԱՆ, 20 նոյեմբերի. /Նովոստի Արմենիա/. Նոյեմբերի 21-ին Շիրակում, Արագածոտնում, Արարատում և Արմավիրում, 22-23-ը՝ շրջանների զգալի մասում սպասվում են տեղումներ:

22-ին լեռնային շրջաններում, 23-ին նաև նախալեռնային շրջաններում  սպասվում են տեղումներ ձյան, հովտային շրջաններում՝ ձնախառն անձրևի տեսքով:

Քամին՝ արևմտյան՝ 3-8 մ/վ, 21-22-ն առանձին շրջաններում սպասվում է քամու ուժգնացում՝ 20-25 մ/վ, 22-ին լեռնային շրջաններում՝ բուք և ցածր հորիզոնական տեսանելիություն:

Ինչպես հայտնում է ՀՀ ԱԻՆ–ը, օդի ջերմաստիճանը 22-23-ը կնվազի 10-15 աստիճանով:

Երևանում նոյեմբերի 21-ին սպասվում է փոփոխական ամպամածություն, առանձին հատվածներում հնարավոր է թույլ անձրև, 22-23-ը ժամանակ առ ժամանակ սպասվում են տեղումներ: –0–