Հայաստանում արդեն ձյուն է տեղացել. կատարվում են ձնամաքրման աշխատանքներ

ԵՐԵՎԱՆ, 4 հոկտեմբերի. /Նովոստի–Արմենիա/. Այսօր առավոտյան Գորիս-Սիսիան և Շուռնուխ-Կապան ավտոճանապարհներին ձյուն է տեղացել: 

Գերատեսչության հաղորդմամբ, ՀՀ միջպետական և հանրապետական նշանակության բոլոր ավտոճանապարհները բաց են:

«Հաշվի առնելով որոշ մարզերում ձյան տեղումները՝ տրանսպորտային միջոցների վարորդներին խորհուրդ է տրվում միջպետական և հանրապետական նշանակության ավտոճանապարհներով երթևեկել ձմեռային անվադողերով», – նշվում է նախարարության տարածած հաղորդագրության մեջ։–0–