Հայաստանում արդեն ձյուն է տեղացել. կատարվում են ձնամաքրման աշխատանքներ
04.10.2017,
11:05
Հայաստանում արդեն ձյուն է տեղացել։
ԵՐԵՎԱՆ, 4 հոկտեմբերի. /Նովոստի–Արմենիա/. Այսօր առավոտյան Գորիս-Սիսիան և Շուռնուխ-Կապան ավտոճանապարհներին ձյուն է տեղացել:
Загружается новость ... "Лево"
Ինչպես հաղորդում է ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը, նշված ճանապարհները սպասարկող ճանապարհաշինական ընկերությունները կատարում են ճանապարհի մաքրման աշխատանքներ:
Գերատեսչության հաղորդմամբ, ՀՀ միջպետական և հանրապետական նշանակության բոլոր ավտոճանապարհները բաց են:
«Հաշվի առնելով որոշ մարզերում ձյան տեղումները՝ տրանսպորտային միջոցների վարորդներին խորհուրդ է տրվում միջպետական և հանրապետական նշանակության ավտոճանապարհներով երթևեկել ձմեռային անվադողերով», – նշվում է նախարարության տարածած հաղորդագրության մեջ։–0–
Պատճենել հղումը
