Հայաստանն ու Բրազիլիան վերացրել են մուտքի արտոնագրային ռեժիմը

ԵՐԵՎԱՆ, 25 նոյեմբերի. /Նովոստի–Արմենիա/. Ուժի մեջ է մտել Հայաստանի և Բրազիլիայի միջև մուտքի արտոնագրային ռեժիմը վերացնելու մասին համաձայնությունը, հաղորդում է ՀՀ ԱԳՆ–ի մամուլի ծառայությունը։

Ըստ Հայաստանի Հանրապետության և Բրազիլիայի Դաշնային Հանրապետության Կառավարությունների միջև ձեռք բերված համաձայնության՝ 2015 թ.–ի նոյեմբերի 25-ից Հայաստանի և Բրազիլիայի քաղաքացիները միմյանց տարածք մուտք գործելու, դուրս գալու, տարանցիկ անցնելու և գտնվելու համար ազատվում են մուտքի արտոնագիր ձեռք բերելու պահանջից՝ 90 (իննսուն) օրը չգերազանցող ժամկետով։

Այն կարող է երկարաձգվել մինչև 90 օր՝ պայմանով, որ գտնվելու ընդհանուր ժամկետը չգերազանցի 180 օրը 12 ամսվա ընթացքում:–0–