Նրա խոսքով` այսօրվա դրությամբ կազմակերպությունում ներառված է 45 պետություն, այդ թվում` ԱՊՀ երկրները։ Հայաստանը կազմակերպության լիիրավ անդամ է դարձել 2014 թ.–ի նոյեմբերի 14–ին Արգենտինայում կայացած կազմակերպության նիստի ընթացքում։
Նա ընդգծեց, որ Հայաստանի անդամակցության վճարը կազմում է տարեկան 13,5 հազար եվրո։

Նա նշեց, որ Հայաստանը նախատեսում է 2016 թ.– գարնանը Փարիզում կազմակերպել հայկական գինիների համտես։

ԱՎԾ–ի տվյալներով` Հայաստանում գինու արտադրությունը 2015 թ.–ի 9 ամսվա ընթացքում կազմել է մոտ 4 մլն լիտր, ինչը 5,2 տոկոսով ավել է նախորդ տարվա նույն ժամանակահատվածից։ Մաքսային ծառայության տեղեկատվության համաձայն` հայկական գինու արտահանումը 2014 թ.–ին կազմել է 6,3 մլն դոլար, ինչը 1,5 անգամ գերազանցում է նախորդ տարվա ցուցանիշը։

Հայաստանի գինեգործների միության նախագահ Ավագ Հարությունյանի կանխատեսմամբ` հանրապետությունում խաղողի բերքը 2015 թ.–ին ռեկորդային բարձր է լինելու, նախնական գնահականներով այն կկազմի մոտ 300–305 հազար տոննա։ Միության ղեկավարի գնահատմամբ` 2016 թ.–ին երկրում կոնյակի և գինու արտադրության ծավալները կավելանան ռեկորդային 60 տոկոսով, գինու արտահանումը ևս կավելանա մոտ 40–50 տոկոսով, կոնյակինը` 10–15 տոկոսով։ Միաժամանակ 2018–2019 թթ.–ին կարելի է ակնկալել կոնյակի արտահանման 40–50 տոկոսանոց աճ։ –0–