ՀՀ ոստիկանապետը մեքենայից աղբ նետող վարորդին հորդորել է վերցնել նետած աղբը (ՎԻԴԵՈ)

ԵՐԵՎԱՆ, 28 հունիսի./Նովոստի–Արմենիա/. Ճանապարհային ոստիկանությունը բազմիցս հորդորել է վարորդներին, որպեսզի չխախտեն ճանապարհային երթևեկության կանոնները, ավտոմեքենան վարելիս չծխեն և աղբ չնետեն դուրս:

Shamshyan.com-ի տեղեկություններով՝ օրեր առաջ ՀՀ ոստիկանության պետ Վալերիյ Օսիպյանը Աջափնյակ վարչական շրջանի Մարգարյան-Հալաբյան փողոցների խաչմերուկում նկատել է, թե ինչպես է տաքսու մեքենայի վարորդն աղբը նետում մեքենայից դուրս:

Ոստիկանապետն, իջնելով ծառայողական ավտոմեքենայից, մոտեցել է օրինախախտ վարորդին և հորդորել, որպեսզի նա իր նետած աղբը փողոցից վերցնի և տեղափոխի աղբարկղ: Վարորդը կատարել է ոստիկանապետի հորդորը։

Աղբյուրի հաղորդմամբ, ՀՀ ոստիկանապետն իր ծառայողական ավտոմեքենայով եղել է առանց թիկնապահների:–0–