ՀՀ վարչապետը նշել է, թե ով է աշխատելու տոնական օրերին

ԵՐԵՎԱՆ, 31 դեկտեմբերի. /Նովոստի Արմենիա/. ՀՀ վարչապետ Կարեն Կարապետյանը հանձնարարել է մաքսային ծառայության և առևտրային բանկերի ներկայացուցիչներին մշակել Ամանորյա տոների աշխատանքային ժամանակացույցը։

Նա նշել է, որ անցկացված հետազոտությունների համաձայն, նախատոնական և տոնական օրերին կտրուկկբարձրանում է արտաքին առևտրով զբաղվող տնտեսվարող սուբյեկտների ակտիվությունը, զգալիորեն ավելանում է ապրանքների ներմուծման ու արտահանման ծավալն ու հաճախականությունը, ինչպես նաև ֆիզիկական անձանց կողմից սահմանների հատման դեպքերը։

«Այդ իսկ պատճառով, անհրաժեշտ է նախատոնական և տոնական օրերին ապահովել մաքսային և բանկային ծառայությունների հասանելիությունը ինչպես տնտեսվարող սուբյեկտներին, այնպես էլ ֆիզիկական անձանց համար, ինչպես նաև ապահովել ապրանքների համար մաքսային ընթացակարգերի կատարումը», – ասել է Կարապետյանը։

Ելնելով այս ամենից` նա հանձնարարեց ՀՀ պետական եկամուտների կոմիտեի ղեկավարին և առաջարկեց Կենտրանաական բանկի նախագահին դեկտեմբերի 2–ից սկսած և մինչև տոնական օրերի ավարտն ապահովել մաքսային և բանկային ծառայությունների անխափան տրամադրում, այդ թվում`հանգստյան ու տոնական օրերին, սահմանելով աշխատակիցների հերթապահության գրաֆիկ։

Ինչ վերաբերում է բանկերին, ապա խոսք է միայն այն բանկերի մասին է, որոնք գործում են մաքսային կետերի տարածքներում կամ դրանց մոտակայքում։

Հայաստանի բնակիչներին ամանորյա երկար հանգստյան օրեր են սպասում, այդ մասին «Նովոստի Արմենիա» գործակալությանը հայտնել էր ՀՀ վարչապետի մամուլի քարտուղար Արամ Արարատյանը։

«Այս տարի Ամանորի և Սուրբ Ծննդյան տոների հանգստյան օրերը չեն կրճատվի», – նշել էր Արարատյանը։ Փաստացի, Ամանորյա տոնական օրերը կսկսվեն դեկտեմբերի 30–ից և կտևեն մինչև հունվարի 7–ը ներառյալ։

Ըստ «Տոների և հիշարժան օրերի մասին» ՀՀ օրենքի, Սուրբ Ծնունդը և Ամանորը նշվում են Հայաստանում դեկտեմբերի 31–ից հունվարի 6–ը, ոչ աշխատանքային օրերը` դեկտեմբերի 31–ը, հունվարի 1, 2–ը (Ամանոր) և հունվարի 6–ը (Սուրբ Ծնունդ)։ Ընդ որում, հունվարի 7–ը երկրում նույնպես ոչ աշխատանքային է` մեռելոց։

Հայաստանում նոր տարվա առաջին աշխատանքային օրը կլինի երկուշաբթի` հունվարի 8–ը։ Այսպիսով, Հայաստանի բնակիչները 9 օր ազատ ժամանակ կունենան։

Վարչապետ Կարեն Կարապետյանը դեմ է երկար ամանորյա հանգստյան օրերին, դեռ կառավարության առաջին նիստին` 2017 թ.–ին, վարչապետն առաջարկել էր կրճատել այդ օրերի քանակը։ Այն ժամանակ նա հարցրեց նախարարներին` շատ չե՞ք հանգստացել։ «Առաջարկում եմ քննարկումներ անցկացնել նաև հասարակության հետ և գտնել այս հարցի պատասխանը», – ասել էր Կարապետյանը։

Սա է պատճառը, որ Կարեն Կարապետյանի որոշմամբ 2017 թվականին Ամանորյա օրերին և հանգստայն օրերին բանկերը և մաքսային ծառայություններն աշխատում էին արտակարգ ռեժիմով։ –0–