ՀՀ–ում ԱՄՆ դեսպանը հանդիպել է ուրբաթ ազատ արձակված ընդդիմադիր գործիչ Լևոն Բարսեղյանի հետ

ԵՐԵՎԱՆ, 29 հուլիսի. /Նովոստի–Արմենիա/. ՀՀ–ում ԱՄՆ դեսպան Ռիչարդ Միլսը ուրբաթ հանդիպել է Գյումրու լրագրողների «Ասպարեզ» ակումբի խորհրդի նախագահ Լևոն Բարսեղյանի հետ, ով հուլիսի 27–ին ձերբակալվել էր սառը զենք կրելու կասկածանքով և ուրբաթ ազատ էր արձակվել։

Այս մասին նշվում է ԱՄՆ դեսպանատան Twitter–յան էջում։

«Օգտակար քննարկում Լևոն Բարսեղյանի հետ ազատ արձակվելուց հետո։ Օրենքի գերակայությունն ու Էրեբունիում տիրող իրավիճակի խաղաղ հանգուցալուծումը կենսականորեն կարևոր են այսօր», – նշվում է հաղորդագրության մեջ։

Բարսեղյանը ձերբակալվել է «Սասնա ծռեր» զինված խմբին աջակցող բողոքի ակցիայի ժամանակ։ –0–