ՀՀ քաղաքացիները կկարողանան ՌԴ-ում օգտագործել ազգային վարորդական իրավունքը
ԵՐԵՎԱՆ, 10 հոկտեմբերի./Նովոստի-Արմենիա/. ՌԴ կառավարությունը նախատեսում է թույլատրել ԵՏՄ քաղաքացիներին տրանսպորտային միջոց վարել ազգային վարորդական իրավունքով:
RNS-ի հաղորդմամբ, այս ամենը նշվում է օրինագծի տեքստում:
«ԵՏՄ անդամ պետությունների քաղաքացիների հավասար իրավունքների ապահովման նպատակով օրինագծով նախատեսվում է չտարածել նշված սահմանափակումները (տրանսպորտային միջոցների կառավարման արգելք օտարերկրյան վարորդական իրավունքների դեպքում. RNS) ԵՏՄ անդամ պետությունների քաղաքացիների վրա», - նշվում է փաստաթղթում:
Նշվում է, որ այժմ Ղրղըզստանի և այլ երկրների քաղաքացիները, որտեղ ռուսերենը պաշտոնական լեզու է, իրավունք ունեն ՌԴ տարածքում վարել տրանսպորտային միջոց ազգային վարորդական իրավունքով: Բացի այդ, գոյություն ունեցող նորմերը թույլ են տալիս օտարերկրացիներին չանցնել պարտադիր բժշկական հետազոտություն:
Օրինագիծը հանրային քննարկման փուլում է, որը կավարտվի հոկտեմբերի 24–ին: -0-
