ՀՀ նախագահը հարգանքի տուրք է մատուցել Հայրենիքի անկախության համար զոհված զինծառայողների հիշատակին

ԵՐԵՎԱՆ, 28 հունվարի. /Նովոստի-Արմենիա/. ՀՀ նախագահ Սերժ Սարգսյանը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին, հաղորդում է ՀՀ նախագահի մամուլի ծառայությունը:

«ՀՀ զինված ուժերի կազմավորման 25-րդ տարեդարձի կապակցությամբ, նախագահ Սերժ Սարգսյանը, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի, ԼՂՀ նախագահ Բակո Սահակյանի հետ և Հանրապետության բարձրագույն ղեկավարության ուղեկցությամբ, այսօր այցելել է «Եռաբլուր» զինվորական պանթեոն` հարգանքի տուրք մատուցել իրենց կյանքը Հայրենիքի անկախության համար զոհաբերած հայորդիների հիշատակին», - նշվում է հաղորդագրության մեջ: -0-