ՀՀ նախագահը շնորհավորել է Ուզբեկստանի նախագահին` Անկախության հռչակման 25-րդ տարեդարձի առթիվ

ԵՐԵՎԱՆ, 1 սեպտեմբերի. /Նովոստի–Արմենիա/. ՀՀ նախագահ Սերժ Սարգսյանը շնորհավորական ուղերձ է հղել Ուզբեկստանի նախագահ Իսլամ Քարիմովին՝ Անկախության հռչակման 25-րդ տարեդարձի առթիվ:
Այս մասին հաղորդում է ՀՀ նախագահի մամուլի ծառայությունը։

Ավելի վաղ Ուզբեկստանի պաշտոնական ԶԼՄ–ները տարածել էին հանրապետության նախարարների կաբինետի հաղորդագրությունն այն մասին, որ 78–ամյա Քարիմովը ստացիոնար բուժում է անցնում, որը «որոշակի ժամանակ» կպահանջի։

Պետության ղեկավարի դուստր Լոլա Քարիմովա–Տիլյաևան իր հերթին Instagram–ի էջում գրել է, որ նախագահը գտնվում է վերակենդանացման բաժանմունքում ուղեղում արյունազեղության հետևանքով, նրա վիճակը կայուն է։ –0–