ՀՀ նախագահը մտադիր է կուսակցություն ստեղծել

ԵՐԵՎԱՆ, 26 ապրիլի./Նովոստի–Արմենիա/. ՀՀ նախագահ Արմեն Սարգսյանը պատրաստվում է սեփական կուսակցություն ստեղծել և ավելի ակտիվ մասնակցություն ունենալ ապագա քաղաքական իրադարձություններին, գրում է «Ժամանակը»։

Ինչպես նշում է թերթը, Սարգսյանը հանդիպում է տարբեր փորձագետների, հասարակական և մշակութային գործիչների հետ՝ փորձելով ուսումնասիրել նրանց տրամադրությունները:

«Սարգսյանը հասկանում է, որ նախագահի լիազորությունները Հայաստանում այնքան ողորմելի են, որ ավելի լավ է լինել որևէ համայնքի գյուղապետ, քան ՀՀ նախագահ: Իսկ ընտրություններում որոշակի հաջողությունը հիմք կստեղծի Հայաստանի քաղաքական կյանքում իրական դերակատարում ունենալու համար», – գրում են հոդվածի հեղինակները։–0–