ՀՀ նախագահի նստավայրի մոտակայքում բողոքի ակցիա է կազմակերպվել. ցուցարարները պահանջում են երկրի ռազմական ղեկավարության հրաժարականը

ԵՐԵՎԱՆ, 13 մայիսի. /Նովոստի–Արմենիա/. ՀՀ նախագահի նստավայրի մոտակայքում բողոքի ակցիա է կազմակերպվել։ Ցուցարարները պահանջում են երկրի ռազմական ղեկավարության հրաժարականը, հաղորդում է «Նովոստի–Արմենիա» գործակալության թղթակիցը։

«Մենք ենք տերը մեր երկրի» նախաձեռնության կազմակերպած ակցիայի մի քանի տասնյակ մասնակիցներն այս պահին շարժվում են դեպի նախագահի նստավայր։

Ցուցարարները պահանջում են առնվազն 30 հազարական դոլար վճարել ապրիլյան պատերազմի ժամանակ զոհված զինծառայողների ընտանիքներին, ինչպես նաև վճարել առնվազն 5 հազարական դոլար յուրաքանչյուր վիրավորված զինծառայողին։

Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։

Ադրբեջանի ագրեսիայի հետևանքով հայկական կողմից զոհվել է 92 մարդ. ՀՀ ՊՆ>>

Ակցիայի կազմակերպիչները նաև պահանջում են ՀՀ ԱԳ նախարար Էդվարդ Նալբանդյանի, ՀՀ պաշտպանության նախարար Սեյրան Օհանյանը, ԶՈւ Գլխավոր շտաբի պետ Յուրի Խաչատուրովի և նրա տեղակալ Հայկազ Բաղմանյանի հրաժարականը` հայտարարելով, որ «այս մարդկանց անգործությունը հանգեցրել է մարդկային կորուստների»։

Ակցիայի մասնակիցները նաև պահանջում են ճնշում գործադրել ԴԱՀԿ ծառայության նախկին պետ Միհրան Պողոսյանի վրա («Պանամական օֆշորների» հետ կապված սկանդալի մասնակից), որպեսզի նա բյուջե վերադարձնի օֆշորային գոտի տեղափոխված միջոցները։

ԴԱՀԿ նախկին պետի նկատմամբ քրեական գործ է հարուցվել>>

Ոստիկանության զգալի ուժեր են տեղափոխվել նախագահի նստավայրի մոտ և դրան հարակից փողոցներ։ –0–