485.74
7.81
458.98
+15
Եղանակը Երևանում
Հայ

ՀՀ մշակույթի նախարարը մեկնաբանել է տոլման ՅՈւՆԵՍԿՕ–ի ցանկում ներառելու Ադրբեջանի մտադրությունը

18:57
06 Մայիսի 2016

ԵՐԵՎԱՆ, 6 մայիսի. /Նովոստի–Արմենիա/. ՀՀ մշակույթի նախարար Հասմիկ Պողոսյանը մեկնաբանել է տոլմա ճաշատեսակի պատրաստման ավանդույթները ՅՈւՆԵՍԿՕ–ի ցանկում ներառելու Ադրբեջանի մշակույթի և տուրիզմի նախարարության մտադրությունը, հաղորդում է գերատեսչության մամուլի ծառայությունը։

«Ծանոթանալով Ադրբեջանի մշակույթի նախարարի՝ օրերս արված հայտարարությանը, պարզ է դառնում, որ մեր հարևան պետությունը հերթական անգամ փորձում է քաղաքականացնել և հակամարտությունների թատերաբեմ դարձնել ոչ միայն մշակույթը, այլ նաև ՅՈՒՆԵՍԿՕ-ն՝ մի կառույց, որի առաքելությունը ազգերին միավորելն ու համախմբելն է», – նշել է Պողոսյանը` մեկնաբանելով Ադրբեջանի մշակույթի նախարար Աբուլֆազ Գարաևի հայտարարությունն այն մասին, թե նրանք ՅՈւՆԵՍԿՕ–ում կներկայացնեն տոլման, քանի որ հայերն «իրենցից խլել են» լավաշը։

Պողոսյանն ավելացրել է, որ Ադրբեջանի պաշտոնյաների` անառողջ մրցակցության մեջ մտնելու փորձերը չեն նպաստում ժողովուրդների միջմշակութային երկխոսությանը` սրելով առանց այն էլ լարված իրավիճակը տարածաշրջանում:

Նախարարն ընդգծել է, որ հայ ժողովուրդն ստեղծել է հարուստ մշակույթ իր ուրույն դրևորումներով` այն հարստացնելով հարևան երկրների մշակույթներով և ինքն էլ հարստացնելով այլոց, բայց երբեք ոտնձգություն չկատարելով որևէ մշակույթի նկատմամբ: Իսկ ահա հարյուր տարուց պակաս պատմություն ունեցող հարևան պետությունը փորձում է իրեն վերագրել բազմադարյա մշակույթ ունեցող ժողովուրդների ավանդույթները, պատմությունը, մշակութային ժառանգությունն ու ձեռքբերումները: Դա վերաբերում է նաև միջազգային կազմակերպություններում Ադրբեջանի կողմից որդեգրած քաղաքականությանը և ձեռնարկված քայլերին: 

«Սա առաջին դեպքը չէ, երբ Հայաստանի կողմից ՅՈՒՆԵՍԿՕ-ի ոչ նյութական մշակութային ժառանգության ցանկում գրանցվելու նպատակով ներկայացված հայտերի հաստատումից հետո Ադրբեջանը հանդես է գալիս «պատասխան» քայլերով», – նշել է Պողոսյանը։

«Մենք ներկայացրեցինք լավաշը, իսկ իրենք հանկարծ «բացահայտեցին», որ լավաշն իրենց ազգային հացն է, և երկու տարի անց ներկայացրեցին սեփական հայտը: Նույնը կատարվեց քոչարի պարի հետ: Եվ, ընդհանրապես, յուրաքանչյուր տարրի մեջ նրանք փնտրում են սեփական «ծագումն ու ինքնությունը»՝ վերածելով վիճաբանության», – ընդգծել է մշակույթի նախարարն ու ավելացրել, որ հայ ժողովուրդն այս հարցում ունի իր հիմնավոր նկատառումները, դիտարկումներն ու պատմական փաստերը:

«Բայց մենք ամենևին մտադրություն չունենք քննարկումներ ու վեճեր ծավալել հարևան ժողովուրդների արժեքների հաշվին ինքնահաստատման նպատակ հետապնդող մի գործընթացի շուրջ, որն իր տեսակով ոչ նոր է, ոչ էլ արդյունավետ: Այժմ Բաքվի իշխանությունները հերթական անհիմն և անհեթեթ քայլն են կատարում` փորձելով տոլմա ճաշատեսակի պատրաստման ավանդույթները ներառել ՅՈՒՆԵՍԿՕ-ի ոչ նյութական մշակութային ժառանգության ցանկում` իբրև «ամբողջ թյուրքական աշխարհին» պատկանող տարր», – ավելացրել է Պողոսյանը։

Նրա խոսքով` «թյուրքեր» տերմինը ներկայացնում է մեծ էթնոլեզվային խումբ, որի մեջ են ղազախները, թաթարները, ղրղզները, թուրքերը, թուրքմենները, ուզբեկները, ույղուրները և այլ ազգեր։

«Եթե անգամ տոլման տարածված լինի այս բոլոր ազգերի շրջանում, չպետք է մոռանալ նաև արաբական, բալկանյան, սլավոնական աշխարհը, և, ի վերջո, հայկական ավանդույթները: Մեր հարևան պետությունն այսօր քաղաքականացնում և վեճի առարկա է դարձնում գրեթե ամեն ինչ, չգիտակցելով, որ մշակույթն առհասարակ ստեղծվում ու զարգանում է հանուն քաղաքակրթության և խաղաղության: Իսկ խաղաղությունը մարդկության ամենաթանկ արժեքն է»,  – եզրափակել է Պողոսյանը։ –0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
20:56
20 Մայիսի 2022
Մայսիյան ձյունը՝ Հայաստանում. Սուրենյանը ցնցող տեսանյութեր է հրապարակել (ՎԻԴԵՈ)
Մայսիյան ձյունը՝ Հայաստանում. Սուրենյանը ցնցող տեսանյութեր է հրապարակել. ՎԻԴԵՈ
15:00
20 Մայիսի 2022
Ինչու է թանկացել Երևան–Չարենցավան երթուղու ուղեվարձը. նախարարությունից պարզաբանել են
Ինչու  է թանկացել Երևան–Չարենցավան երթուղու ուղեվարձը. նախարարությունից պարզաբանել են
14:39
20 Մայիսի 2022
Կարծես աշուն լինի. Հայաստանում սպասվում է ջերմաստիճանի կտրուկ նվազում և թաց ձյուն
Կարծես աշուն լինի. Հայաստանում սպասվում է ջերմաստիճանի կտրուկ նվազում և թաց ձյուն
12:44
20 Մայիսի 2022
Ընդդիմադիր պատգամավորները փորձեցին մտնել հյուրանոցի սրահ, որտեղ Փաշինյանն ու Թրեյսին են, սկսվեց քաշքշուկ (ՎԻԴԵՈ)
Ընդդիմադիր պատգամավորները փորձեցին մտնել հյուրանոցի սրահ, որտեղ Փաշինյանն ու Թրեյսին են, սկսվեց քաշքշուկ. ՎԻԴԵՈ
12:32
20 Մայիսի 2022
40 հազար դոլար կաշառք է վերցրել սպանության հոդված անցնող մեղադրյալի մորից.ՔԿ նախկին պաշտոնատար անձը ձերբակալվել է
40 հազար դոլար  կաշառք է վերցրել սպանության հոդված անցնող մեղադրյալի մորից.ՔԿ նախկին պաշտոնատար անձը ձերբակալվել է
12:04
20 Մայիսի 2022
Երևանում ցուցարարները հավաքվել են հյուրանոցի մոտ, որտեղ պետք է տեղի ունենա Փաշինյանի, ԱՄՆ դեսպանի հանդիպումի ՀԿ–ների հետ
Ընդդիմության ակցիայի մասնակիցները հավաքվել են «Մարիոթ» հյուրանոցի մոտ, որտեղ պետք է տեղի ունենա ՀՀ վարչապետ Նիկոլ Փաշինյանի և ՀՀ–ում ԱՄՆ դեսպան Լին Թրեյսիի հանդիպումը ՀԿ–ների ներկաայցուցիչների հետ
11:09
20 Մայիսի 2022
«Նիկոլ դավաճան». ցուցարարները Երևանում դիմավորեցին Լիտվայի նախագահին
«Նիկոլ դավաճան». ցուցարարները Երևանում դիմավորեցին Լիտվայի նախագահին
10:49
20 Մայիսի 2022
ԳՇ նախկին պետի որդին կալանավորվել է ոստիկանի նկատմամբ բռնություն կիրառելու մեղադրանքով. նշվում է, որ նա եղել է թմրամիջոցի ազդեցության տակ
Եղել է թմրամիջոցի ազդեցության տակ. ԳՇ նախկին պետի որդին կալանավորվել է ոստիկանի նկատմամբ բռնություն կիրառելու մեղադրանքով
10:29
20 Մայիսի 2022
Ընդդիմությունը երթով շարժվեց դեպի նախագահական նստավայր
Ընդդիմությունը երթով շարժվեց դեպի նախագահական նստավայր
20:09
19 Մայիսի 2022
Փաշինյանը Բրյուսելում կհանդիպի Միշելի և Ալիևի հետ
Փաշինյանը Բրյուսելում կհանդիպի Միշելի և Ալիևի հետ
16:10
19 Մայիսի 2022
Հայաստանը ձևավորել է Ադրբեջանի հետ սահմանի սահմանազատման հարցերով ազգային հանձնաժողովի կազմը
Հայաստանը ձևավորել է Ադրբեջանի հետ սահմանի սահմանազատման հարցերով ազգային հանձնաժողովի կազմը
14:50
19 Մայիսի 2022
Ընդունելության քննությունների անցկացման համար ձևավորվել է 41 քննական կենտրոն, հրապարակվել են հասցեները
Ընդունելության քննությունների անցկացման համար ձևավորվել է 41 քննական կենտրոն, հրապարակվել են հասցեները