ՀՀ մարզերից մեկում հայտնաբերել են 1.5 ամիս առաջ անհայտ կորած կնոջ և տղամարդու դիերը (ՖՈՏՈ)

ԵՐԵՎԱՆ, 2 նոյեմբերի. /Նովոստի Արմենիա/. Արտակարգ դեպք Կոտայքի մարզում։

Ոստիկանության և Քննչական կոմիտեի ներկյացուցիչները Երևան-Սևան ավտոճանապարհի դաշտամիջյան հատվածում հայտնաբերել են 2 դի։

Ինչպես հայտնում է shamshyan.com–ը, դիերը կապված էին պոլիէթիլենային տոպրակով և գրեթե 1 ժամից ավել պահանջվեց, որպեզի ոստիկաններն ու քննիչները հեռացնեն հողաշերտը դիերի վրայից։

«Մահացածները` Հրազդան քաղաքի Միկրոշրջան թաղամասի բնակիչ՝ 53-ամյա Սամվել Ալիխանյանը և Հրազդան քաղաքի Կենտրոն թաղամասի բնակիչ՝ 56-ամյա Վարդուհի Սիմոնյանը, ովքեր այս տարվա սեպտեմբերի 18-ից որպես անհայտ կորած որոնվում էին ոստիկանության Հրազդանի բաժնի կողմից», – նշվում է ՔԿ կոցմից տարածած հաղորդագրությունում։

Նրանց անհետացման գործով հարուցվել էր քրեական գործ՝ ՀՀ քր.օր-ի 104 հոդվածի 2-րդ մասի 2-րդ կետի հատկանիշով։ Տեղում աշխատող դատաբժիշկը հայտնեց, որ դիերը ամբողջովին գտնվում են նեխած վիճակում և անհրաժեշտ է, որպեսզի դիերը տեղափոխվեն դիահերձարան։

«Հաշվի առնելով հանցագործության վտանգավորության սստիճանը՝ դեպքի վայրում է եղել նաև Հրազդանի դատախազ Արսեն Սախոյանը։ ՀԿԳ ավագ քննիչ Դ. Թովմասյանի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական», – նշվում է հաղորդագրությունում։

Դիակների հայտնաբերման վայրում հայտնաբերվել է նաև երկաթե ձող, որը նույնպես առգրավվեց։