ՀՀ ԿԳ նախարարն առաջարկում է արգելել բուհերում քննությունների բազմանգամյա վերահանձնումը

ԵՐԵՎԱՆ, 3 դեկտեմբերի. /Նովոստի-Արմենիա/. Ուսանողներին հարկավոր է արգելել բուհերում մի քանի անգամ վերահանձնել քննությունները, նախօերին լրագրողներին ասաց ՀՀ կրթության և գիտության նախարար Լևոն Մկրտչյանը:

«Բոլորս հասկանում ենք, որ բուհերը կախված են ուսանողների կրթության վարձերից, այդ իսկ պատճառով նրանք հետաքրքրված չեն նրանում, որ հեռացնեն ուսանողներին վատ առաջադիմության պատճառով: Արդյունքում, դա նվազեցնում է կրթության որակը», - ասաց Մկրտչյանը:

Նրա խոսքով, անհրաժեշտ է առաջնորդվել աշխարհի առաջատար բուհերի փորձով, որոնցում, եթե ուսանողը չի հանձնում քննությունը ուսումնական տարվա վերջին, նա պետք է նորից անցնի կուրսը:

«Խորհրդային տարիներին թույլատրվում էր քննությունը մեկ անգամ վերահանձնել, առավելագույնը` երկու անգամ, այժմ դա տեղի է ունենում 5-6 անգամ», - ասաց Մկրտչյանը:

Նա նաև հայտնեց, որ նախարարությունը պարբերաբար դիմում է բուհերին` կոչ անելով սահմանել երկրի տնտեսական վիճակին համապատասխան ուսման վարձ: -0-