Ղարաբաղում վիրավորված զինծառայողը պլաստիկ վիրահատության է ենթարկվել

ԵՐԵՎԱՆ, 6 մայիսի. /Նովոստի–Արմենիա/. Արցախի հետ շփման գծում մարտական գործողությունների հետևանքով ՀՀ ԱՆ Ճառագայթային բժշկության և այրվածքների գիտական կենտրոնում բուժվող երկու վիրավորիներից մեկը, ում մոտ առկա էին բազմաբեկորային վնասվածքներ ուրբաթ ենթարկվել է պլաստիկ վիրահատության, հաղորդում է ՀՀ առողջապահության նախարարության մամուլի ծառայությունը։

Մասնագետների գնահատմամբ` ձախ ոտքի պլաստիկ վիրահատությունը բարեհաջող է անցել:  Մյուս վիրավորն ավելի վաղ է վիրահատվել: Դեմքի և ձեռքերի շրջանում կատարվել էր պլաստիկ միջամտություն:

«Վիրավորներն անցնում են վերականգնողական բուժում և գտնվում են մասնագետների ամենօրյա ուշադրության կենտրոնում», – նշվում է հաղորդագրության մեջ։

Հայաստան ժամանած Ֆրայբուրգի համալսարանական կլինիկայի առաջատար նեղ մասնագատներ, պրոֆեսորներ վերականգնողական կլինիկայի ղեկավար, վիրաբույժ Մարտին Շվարցը և վնասվածքաբան-օրթոպեդ, նաև ուռուցքաբան Քրիստիան Յաշկեն այսօր այցելել են Ճառագայթային բժշկության և այրվածքների գիտական կենտրոնում բուժվող վիրավորներին:

Կենտրոնի տնօրեն Նորայր Դավիդյանի ուղեկցությամբ նրանք զրուցել են բուժանձակազմի և վիրավորների հետ, մանրամասն ծանոթացել բուժման ընթացքին: Այս բժշկական կենտրոնում, գերմանացի մասնագետների խոսքո, կատարված են բոլոր անհրաժեշտ քայլերը` վիրավորների ապաքինումը լիարժեք ապահովելու համար:

Ապրիլի 2–ից 5–ն ադրբեջանական ԶՈՒ–ն ղարաբաղա–ադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։–0–