Էդվարդ Նալբանդյանի հետագա ճակատագիրն արդեն որոշված է. ներկայացվում է ԱԳ նախարարի նոր թեկնածուի անունը

ԵՐԵՎԱՆ, 6 հուլիսի. /Նովոստի–Արմենիա/. ՀՀ ԱԳ նախարար Էդվարդ Նալբանդյանի հետագա ճակատագիրն արդեն որոշված է, ներկայացվում են ԱԳ նոր նախարարի հնարավոր թեկնածուների անունները։

«Հրապարակի» հաղորդմամբ` Ֆրանսիայում ՀՀ դեսպան Վիգեն Չիթեչյանը, որի 75-ամյակը կլրանա հուլիսի 26-ին, արդեն մի քանի անգամ դիմում է գրել՝ վաստակած հանգստի անցնելու համար, նրան ասել են՝ համբերի:

«Բանն այն է, որ այդ պաշտոնը «հնուց» պահված է Էդվարդ Նալբանդյանի համար: 2017-ին, ըստ ամենայնի, նրան կրկին «Ֆղանս» կտանեն», – նշում են հոդվածի հեղինակները։

Թերթի հաղորդմամբ` Նոր Սահմանադրությամբ կարևորվում է ԱԳՆ ֆունկցիան, և ԱԳ նախարար-փոխվարչապետ կոնֆիգուրացիան է գործելու:

Նալբանդյանը չի շարունակելու գործունեությունը, այս պահին տրվում են ապագա ԱԳ նախարար-փոխվարչապետի մի քանի անուններ, ամենահավանականը՝ Վիգեն Սարգսյանն է, գրում է թերթը:–0–