«Արի տուն» ծրագրի վեցերորդ փուլը միավորել է շուրջ 132 երիտասարդ հայի

ԵՐԵՎԱՆ, 1 օգոստոսի. /Նովոստի-Արմենիա/. 18 երկրներից շուրջ 132 երիտասարդ հայ աղջիկ և տղա կմասնակցի «Արի տուն» ծրագրի 2016 թ.-ի վեցերորդ փուլին, լրագրողներին հայտնեց Սփյուռքի փոխնախարար Սերժ Սրապիոնյանը:

«Այս երիտասարդները 10 օր կապրեն հյուրասեր հայկական ընտանիքներում, ուր կծանոթանան հայերի առօրյային, և հինգ օր կանցկացնեն «Արի տուն» ճամբարում, որտեղ ամեն օր կանցկացվեն հայոց լեզվի արագացված դասընթացեր այն երեխաների համար, ովքեր չեն տիրապետում մայրենի լեզվին:

Փոխնախարարի խոսքով, Հայաստան են արդեն այցելել «Արի տուն» ծրագրի 700 մասնակիցներ և մինչ ծրագրի ավարտը սպասվում է, որ նրացն թիվը կգերազանցի 1100-ը:

«Ծրագրի գլխավոր ձեռքբերումներից մեը ոչ միայն տարբեր երկրների հայերի մերձեցումն է, այլ նաև տարբեր համայնքների: Հայկական համայնքները վերածվում են Հայաստանի յուրօրինակ կենտրոնի և փոխադարձ կապ ստեղծում Եվրոպայի, ԱՄՆ-ի, Մերձավոր Արևելքի և այլ երկրների հետ: Այդ ամուր կապերը վկայում են ամբողջ աշխարհի հայերի միասնության մասին» , -ասաց Սրապիոնյանը` ավելացնելով, որ 2016 թ.-ին ծրագրին մասնակցել ցանկացողների քանակը ավելացել է:

ՀՀ սփյուռքի նախարարության աշխատակազմի ղեկավար, «Արի տուն» ծրագրի համակարգող Ֆիրդուս Զաքարյանն իր հերթին նշեց, որ այս փուլում Հայաստանը այցելելն են երիտասարդներ Ռուսաստանից, Ուկրաինայից, Վրաստանից, Բելգիայից, Գերմանիայից, Իռլանդիայից, Հունաստանից, Ֆրանսիայից, Մեծ Բրիտանիայից, Էսթոնիայից, Լիտվայից, Իսպանիայից, Իրանից, Սիրիայից, Քուվեյթից, Կանադայից, Աբխազիայից, Նիդեռլանդներից», - ասաց Զաքարյանը:

«Արի տուն» ծրագիրը մեկնարկել է 2009-ին: Ծրագրի շրջանակում 6 տարվա ընթացքում Հայաստան է այցելել շուրջ 5000 հայազգի երիտասարդ` աշխարհի 43 երկրից: -0-